‘n Moontlik vervalste handtekening lei tot verdere ondersoek

Saamgestel deur Nadia Pieters

Aug 13

1 min read

'n Moontlik vervalste handtekening het in 'n ondersoek na die aanstelling van die voormalige uitvoerende hoof van die Film- en Publikasieraad, Mashilo Boloka, opgeduik.

Die minister van Kommunikasie en Digitale Tegnologieë, Solly Malatsi, het dit in antwoord op parlementêre vrae van die DA onthul.

Volgens die ondersoek was Boloka se aanstelling wettig en is geen bewyse van onbehoorlike eksterne invloed gevind nie. Malatsi sê die moontlik vervalste handtekening regverdig egter verdere ondersoek.

Boloka se diens is verlede jaar beëindig nadat hy in 2024 op voorsorgskorsing geplaas is hangende 'n ondersoek na bewerings teen hom.