‘n Staatsdiensleierskap Indaba word in Bloem aangebied

’n Indaba oor die toekoms van die staatsdiens word in Bloemfontein aangebied.

Die Senior Management Service (SMS) Indaba vind Donderdag en Vrydag by die Imvelo Safari Lodge plaas, waar senior amptenare en kenners oor dienslewering en bestuur sal besin.

Die Vrystaatse premier, MaQueen Letsoha-Mathae, sal na verwagting die hooftoespraak lewer en haar visie vir ’n meer professionele en doeltreffende staatsdiens uiteensit.

Volgens die Vrystaatse Provinsiale Regering se Facebook-blad fokus die indaba op etiese leierskap, beter bestuur en verbeterde dienslewering aan inwoners.

Die indaba bring onder meer departementshoofde, senior bestuurders en beleidskenners byeen, en vorm deel van pogings om staatsinstellings te versterk en dienslewering in die provinsie te versnel.

MaQueen Letsoha-Mathae. FOTO: Facebook