'n Tekort aan entstowwe laat plattelandse ekonomieë kwesbaar

Ilde Roos
1 hour ago
1 min read

'n Doemende verslag bevestig wat landboukundiges reeds maande lank vrees: die volledige ineenstorting van die land se kapasiteit om noodsaaklike diere-entstowwe te vervaardig, met verwoestende gevolge vir boere wat reeds swaar kry weens die voortdurende bek-en-klouseer-krisis.

Nova News berig Onderstepoort Biological Products, Suid-Afrika se staatsentiteit vir entstofvervaardiging, het slegs 62% van sy teikens vir 2024-'25 behaal en ’n inkomste-tekort van R100 miljoen aangeteken. Dit volgens die jongste jaarverslag wat hierdie week voorgelê is.

Die Suid-Afrikaanse Agri-Inisiatief (SAAI) sê in ’n verklaring dit laat plattelandse ekonomieë kwesbaar en hou uitvoerverbod in stand, wat die landbousektor miljarde rand kos. Dit bedreig ook voedselsekuriteit en ekonomiese stabiliteit.

SAAI doen ’n beroep op dringende ingryping.