‘n Voortvlugtige is in Bloem aangekeer

Saamgestel deur Nadia Pieters
1 hour ago
1 min read

’n Voortvlugtige is tydens ’n padblokkade op die N1 in Bloemfontein aangekeer.

Volgens polisiewoordvoerder, lt.kol. Thabo Covane, het beamptes tydens Operasie Shanela in die Navalsig-polisiestasie se gebied byna 200 voertuie en meer as 400 mense deursoek.

’n Toyota Quantum-minibus is voorgekeer, waarna ’n deursoeking gelei het tot die ontdekking van ’n 9mm-pistool, ’n magasyn en sewe patrone wat glo onwettig in die man se besit was.

Die 39-jarige buitelander is op die toneel in hegtenis geneem.

Covane sê verdere inligting dui daarop dat die man in sy land van herkoms vir ernstige misdade gesoek word.