Nsfas bevestig dit het privaat verblyf vir universiteite betaal

Saamgestel deur Jana Roos
May 11
1 min read

Die Nasionale Studente Finansiële Hulpskema (Nsfas) sê privaat verblyfbetalings vir universiteite is verlede week Donderdag vrygestel.

Die skema bevestig dat verskaffers wat by FNB bankdienste doen, onmiddellik fondse ontvang, terwyl ander banke geringe vertragings kan ervaar as gevolg van interbankverwerkingstydlyne. Volgens Nsfas is meer as een-komma-een-miljard rand hierdie kwartaal uitbetaal, wat meer as 100-duisend studente bevoordeel het.

Ongeveer 95 persent van verblyfverskaffers het geverifieerde bankbesonderhede en is nou ingesluit in direkte betalings vir 2026. Nsfas se woordvoerder, Ishmael Mnisi, sê daar word gewerk om uitstaande sake op te los en ’n voorspelbare, deursigtige betalingsstelsel vir die sektor te versterk.