Nuwe ANC-kandidate moet matriek hê
Aug 26
1 min read
Die ANC sal nie toelaat dat nuwe kandidate sonder matriek as raadslede in die komende plaaslike regeringsverkiesing staan nie.
Die party se sekretaris-generaal, Fikile Mbalula, het by die ANC se spesiale verlengde NUK-vergadering gepraat waar kandidate vir die verkiesing gefinaliseer word.
Sommige provinsiale sekretarisse het kwytskeldings versoek vir nuwe voornemende raadslede sonder matriek.
Volgens Mbalula kan slegs huidige raadslede sonder matriek deur die party se Verkiesingskomitee vir ’n kwytskelding aansoek doen.
Comments