Oud-Prins Andrew kruip weg nadat nog Epstein-lêers onthul word

Saamgestel deur Ilde Roos
2 hours ago
1 min read

Andrew Mountbatten-Windsor, die broer van Koning Charles, het sy langdurige woning by Royal Lodge ontruim weens nuwe bewerings rakende sy verbintenisse met Jeffrey Epstein.

Hy is diskreet na ‘n kothuis in Sandringham verskuif.

Reuters berig die besluit volg op onthullings uit onlangs vrygestelde Epstein-lêers, wat daarop dui dat Andrew meer as twee jaar ná Epstein se skuldigbevinding aan kinderseksmisdade kontak met Epstein behou het.

Koning Charles het Andrew voorheen van sy titels gestroop, terwyl Andrew steeds enige oortreding ontken.