Trump onderteken die wetsontwerp om Epstein-dokumente vry te stel

Saamgestel deur Nadia Pieters
Nov 20
1 min read

Die Amerikaanse president, Donald Trump, het ’n wetsontwerp onderteken wat die Departement van Justisie beveel om alle lêers rakende die ontslape seksmisdadiger, Jeffrey Epstein, te openbaar.

Die wet vereis dat dokumente, insluitend onderhoudstranskripsies, interne kommunikasie, vluglogboeke en materiaal wat tydens klopjagte verkry is, binne 30 dae in ’n deursoekbare formaat uitgereik word.

Trump, wat vroeër die vrystelling teengestaan het, het van standpunt verander ná druk van slagoffers en Republikeine.

Die Kongres het die wet met oorweldigende steun aanvaar. Sommige inligting mag egter teruggehou word om lopende ondersoeke of slagofferidentiteite te beskerm.

Epstein is in 2019 dood aangetref terwyl hy op ’n mensehandel-verhoor gewag het.