Padagentskap moet kontrak van omstrede sakeman se maatskappy ondersoek

Die minister van Vervoer, Barbara Creecy, het die Suid-Afrikaanse Nasionale Padagentskap gelas om ondersoek in te stel na ’n maatskappy wat met die sakeman Lawrence Mudzinganyama verbind word.

’n Video waarin gesien kan word hoe Mudzinganyama vroue by ’n restaurant in Sandton dreig, het onlangs op sosiale media versprei en openbare kommer ontlok.

Creecy wil hê die padagentskap se raad moet ondersoek instel na die omstandighede rondom die aanstelling van Moriel Infrastructure Group.

Mudzinganyama het om verskoning gevra vir sy gedrag en erken dat sy aggressiewe taalgebruik onaanvaarbaar was.

Die ingenieurs- en konstruksiemaatskappy het intussen aangekondig dat die sakeman as direkteur en uitvoerende voorsitter verwyder is.

Lawrence Mudzinganyama. FOTO: X