Passassiers is veilig na ‘n sekuriteitsdreigement op ‘n vliegtuig

Die 182 passassiers en ses bemanningslede aan boord vlug FA388 van FlySafair is veilig ná 'n moontlike veiligheidsbedreiging Woensdagoggend.

Die vlug was van Johannesburg na Oos-Londen onderweg, en het veilig by die King Phalo-lughawe geland.

Volgens 'n verklaring op FlySafair se webtuiste is alle betrokke owerhede onmiddellik in kennis gestel. ’n Multidissiplinêre reaksiespan was op die toneel, en die vliegtuig is ingevolge standaardveiligheidsprotokolle teruggehou.

Geen vlugte is as gevolg van die voorval gekanselleer nie, en alle ander FlySafair-bedrywighede verloop normaal.

Die lugredery sê die veiligheid van sy passasiers en bemanning bly sy hoogste prioriteit.

Ter illustrasie. FOTO: News24