Phala Phala: 'Ramaphosa sloer om antwoorde te gee'
Sep 4
1 min read
Die MK-party het president Cyril Ramaphosa daarvan beskuldig dat hy vertragingsmaatreëls gebruik om te keer dat Suid-Afrikaners antwoorde oor die Phala Phala-sage kry.
Die party het ook die Wes-Kaapse hooggeregshof se jurisdiksie bevraagteken om sy aansoek te hoor waarin hy die hersiening van ’n parlementêre verslag versoek.
Die verslag dui daarop dat hy hom aan wangedrag skuldig gemaak het ná die diefstal van ’n halfmiljoen Amerikaanse dollar van die plaas in 2020.
Die MK-party is een van vier partye wat Ramaphosa se aansoek teenstaan en voer aan dat ’n afsetting nie daaroor gaan om die president strafregtelik te vervolg nie.
Die party se Dali Mpofu sê die hooggeregshof kan nie ’n bevel van die land se hoogste hof verander nie.
Comments