Politieke partye het tot en met Vrydag tyd om kandidaatbenoemings in te dien
Aug 27
1 min read
Politieke partye en onafhanklike kandidate het tot Vrydag om hul benoemings vir die komende plaaslike regeringsverkiesing te finaliseer.
Volgens die Onafhanklike Verkiesingskommissie moet alle kandidaatbenoemings teen vyfuur die middag gedoen word.
Die sperdatum is vasgestel in die verkiesingsrooster en kan nie verleng word nie.
Die OVK se Aanlyn Kandidaatbenoemingsstelsel sal ná die sperdatum sluit, en geen verdere voorleggings of veranderinge sal aanvaar word nie.
Suid-Afrikaners sal op 4 November na die stembus gaan.
Comments