Politieke partystudiegroepe moet vermy word

Staatsamptenare word gewaarsku om nie politieke partystudiegroepe by te woon nie.

Die voorsitter van die Portefeuljekomitee oor Staatsdiens en Administrasie, Jan de Villiers, sê deelname aan informele partypolitieke vergaderings kan amptenare se objektiwiteit, professionaliteit en apolitiese aard benadeel.

Sy kommentaar volg op kommer van die Staatsdienskommissie oor staatsamptenare wat aan sulke vergaderings deelneem.

De Villiers sê staatsamptenare moet onpartydige advies aan politieke ampsdraers kan gee.

Hy waarsku ook dat amptenare wat partypolitieke forums bywoon, moontlik onder druk kan verkeer weens die invloed wat politieke ampsdraers op hul loopbane kan hê.

Jan de Villiers. FOTO: Maroela Media