Sabie-moordsaak word moontlik met geslagsgebaseerde geweld verbind

Saamgestel deur Ilde Roos
2 hours ago
1 min read

Twee weke nadat die liggaam van Cameron Waldeck-Cooks in Mpumalanga gevind is, het die moontlikheid begin ontstaan dat geslagsgebaseerde geweld moontlik ’n rol kon speel.

Volgens berigte het haar kêrel, Ethan Coetzee, glo die wagwoorde van Cameron se sosialemediarekeninge en toegang tot haar selfoon gehad, en is as jaloers, besitlik en beheersend beskryf.

Nova News berig bronne beweer Ethan het onlangs woedend geword omdat Cameron vriendelik was met seuns van haar roeispan. Ethan wou glo nie na die Universiteit Stellenbosch gaan nie omdat hy nie van Cameron af wou wees nie.

Cameron se pa, Derrick Cooks, het ’n verklaring op Facebook gedeel met ’n foto van haar langs ’n pers lint, wat met huishoudelike en geslagsgebaseerde geweld verbind word.

Rosestad-nuus het vroeër berig Cameron en Ethan se liggame is op 6 Augustus by ’n lodge in Sabie gevind, en die geregtelike ondersoek is ná die nadoodse ondersoek se uitslae na 'n saak van moord herklassifiseer.