Sappi se skuldlas wek kommer

Saamgestel deur Nadia Pieters
2 hours ago
1 min read

Ontleders waarsku dat die Suid-Afrikaanse pulp- en papiergroep, Sappi, die risiko loop om in 'n skuldspiraal van sowat R32 miljard vasgevang te word namate sy verliese toeneem.

Die maatskappy, wat bedrywighede in meer as 150 lande het, het die afgelope paar jaar van rekordwinste na groot verliese beweeg.

Volgens Sappi bly die bedryfsomgewing uitdagend, met swak wêreldekonomiese toestande, geopolitieke spanning en handelsonsekerheid wat druk op markvertroue en verbruikersvraag plaas.

BusinessTech berig die maatskappy skryf sy finansiële afswaai grootliks aan dié faktore toe.