Sekere Volkswagen Amarok-voertuie word herroep
Oct 5
1 min read
Die Nasionale Verbruikerskommissie het 291 Volkswagen Amarok-voertuie, wat landwyd tussen 2 Junie en 15 September verkoop is, aan 'n herroepaksie onderwerp.
Volkswagen Group Africa het die kommissie van die herroeping in kennis gestel nadat 'n moontlike veiligheidsgebrek aan die lugsak geïdentifiseer is. Die kommissie sê die gordynlugsak sal moontlik nie ten volle ontplooi tydens 'n botsing van voor of van die kant af nie, terwyl skerp plastiekonderdele beserings kan veroorsaak.
Eienaars van die betrokke voertuie word aangemoedig om hul voertuie na goedgekeurde Volkswagen Commercial Vehicles-handelaars te neem vir die gratis vervanging van onderdele.
Comments