Sekuriteitsbeamptes besorg ‘n kliënt se verlore selfoon met ‘n vol battery terug

Sekuriteitsbeamptes van Watercrest-winkelsentrum in Durban is geprys nadat hulle ‘n kliënt gehelp het om sy verlore selfoon terug te kry.

Die kliënt, Peter Booth, het die foon op die dak van sy motor vergeet nadat hy brandstof by die winkelsentrum se vulstasie ingegooi het. CCTV-beeldmateriaal het gewys hoe die foon by die verkeersirkel afval en verskeie voertuie daaroor ry voordat ‘n man dit opgetel het.

‘n Sekuriteitsbeampte en sy toesighouer het die man opgespoor, die foon teruggekry, dit gelaai en aan Booth terugbesorg.

Ter illustrasie. FOTO: Unsplash