Steenhuisen beklemtoon belangrikheid van bek-en-klouseerregulasies

Die minister van Landbou, John Steenhuisen, sê mense wat nie aan bek-en-klouseerregulasies voldoen nie, sal strafregtelik aangekla word. Steenhuisen het tydens 'n toesigbesoek aan die Karan Beef-voerkraal in Heidelberg in Gauteng gepraat. Die regulasies dek onder andere die beweging van vee uit siektebestuursgebiede en die bedryf van veilings. Uitbrekings van die siekte is in vyf provinsies aangemeld. Steenhuisen het gewaarsku dat die oortreding van die regulasies ook tot uitbrekings in ander dele van die land sal lei.