Studente se reg om te leer moet beskerm word

Volgens Motheo TVET College kan studente se reg om hul griewe te lug nie ten koste van ander studente se reg om te leer wees nie.

Volgens ’n mediaverklaring het onlangse ongemagtigde protesoptrede by die Bloemfontein- en NADA-kampusse onder meer tot ontwrigting van klasse en dreigemente teen studente en personeel gelei.

Die verklaring benadruk dat studente die reg het om vreedsaam te betoog en kwessies soos befondsing en akademiese sake aan te spreek, maar dit moet deur wettige en behoorlik gemagtigde prosesse gebeur.

Die kollege doen ’n beroep op studente en politieke formasies om verantwoordelik op te tree en eerder saam met die kollege na volhoubare oplossings te werk.

Ter illustrasie. FOTO: Careers Portal