SA is nie na die eerste G20-sherpa-vergadering genooi nie

Saamgestel deur Ilde Roos
Dec 3, 2025
1 min read

Suid-Afrika sal nie by die eerste G20-sherpa-vergadering onder die Amerikaanse presidentskap teenwoordig wees nie, ondanks versoeke vir deelname.

Die vergadering vind op 15 en 16 Desember in Washington plaas, en Suid-Afrika is uitgesluit. Amerikaanse president Donald Trump het vroeër bevestig dat Suid-Afrika nie na die 2026-leiersberaad in Miami genooi sal word nie.

Die departement van internasionale betrekkings en samewerking sê Suid-Afrika bly by die G20 se beginsels en waarsku dat eenkantige uitsluiting die forum kan destabiliseer.

Amptenare sê Suid-Afrika kan nie net by die vergadering opdaag nie, maar die kwessie kan by die vergadering bespreek word.