Suid-Afrikaanse eiers is veilig om te eet

Daar is geen gevalle van salmonella of voëlgriep in Suid-Afrika aangemeld nie, en dit is dus veilig om eiers en pluimveevleis hier op tuisbodem te eet. So sê die Suid-Afrikaanse Pluimveeverniging (SAPV) in antwoord op gerugte wat op sosiale media versprei word. Maroela Media berig hierdie bewerings volg na salmonella-gevalle in Kalifornië in die VSA aangemeld is en waar sommige mense glo gehospitaliseer is. CBS News het vroeër berig tientalle mense het siek geword weens ʼn salmonella-uitbreking wat verbind is met ʼn besending eiers in die VSA. Die sowat 1,7 miljoen eiers is reeds herroep weens die moontlikheid dat dit verbruikers kan siek maak.