Suid-Afrikaanse plase word toenemend as geskikte terreine vir grootskaalse metamfetamien-fabrieke beskou
Suid-Afrikaanse plase word toenemend as geskikte terreine vir grootskaalse metamfetamien-fabrieke beskou, met vermoedelik Mexikaanse dwelmnetwerke wat by van dié bedrywighede betrokke is.
Volgens ’n berig deur Netwerk24 is die landelike ligging van sommige plase ideaal vir die vestiging van groot onwettige dwemlaboratoriums, waar metamfetamien vervaardig kan word.
Die berig volg nadat verskeie groot dwemlaboratoriums die afgelope maande in Suid-Afrika ontdek is. In Mei is onder meer ’n laboratorium naby Swartruggens in Noordwes deur die polisie toegeslaan. Elf verdagtes is in verband met die ontdekking in hegtenis geneem, waaronder verskeie mense wat vermoedelik Mexikaans is.
Die polisie het groot hoeveelhede chemikalieë en toerusting by die terrein gevind, met die waarde van die laboratorium wat op honderde miljoene rand geraam is.
Die ontwikkeling beklemtoon die toenemende kommer oor internasionale dwelmnetwerke wat Suid-Afrika as ’n basis vir die vervaardiging van onwettige dwelms gebruik.
Comments