Taxi-bestuurders betoog oor paaie en dienste in die Mangaung-metro

Taxi-bestuurders van Botshabelo het na die Mangaung Metro Munisipaliteit se kantore opgeruk om beter paaie en dienslewering te eis.

Volgens berigte deur GroundUp het tientalle bestuurders memorandums aan die munisipaliteit en die Vrystaatse Departement van Gemeenskapsveiligheid, Paaie en Vervoer oorhandig.

Van hul eise sluit in die uitreiking van permitte, die heropening van die Botshabelo-voertuigtoetssentrum wat reeds sewe jaar gesluit is, asook dringende herstelwerk aan slaggatgeteisterde paaie in die gebied.

Organiseerder Tsietsi Masithela sê taxi-bestuurders is gefrustreerd met wat hulle beskryf as swak administrasie en ’n gebrek aan reaksie van owerhede.

Hy beweer dat permitte soms verdwyn of aan ander persone toegeken word, en dat vertragings met dokumentasie groot uitdagings vir bestuurders skep.

Masithela sê bestuurders moet ook ekstra kostes aangaan om voertuie in Bloemfontein of Brandfort te laat toets weens die sluiting van die plaaslike sentrum.

Hy voeg by dat swak padtoestande gereelde herstelwerk aan voertuie noodsaak, wat druk op hul inkomste plaas.

Owerhede het die memorandums ontvang en onderneem om binne twee weke met taxi-bestuurders te vergader.

FOTO: GroundUp