Terwyl KI werk transformeer word werkersbeskerming gevra

Saamgestel deur Nadia Pieters
4 hours ago
1 min read

Suid-Afrika moet verseker dat kunsmatige intelligensie (KI) en nuwe digitale tegnologieë nie werkers agterlaat nie.

Dit volgens die minister van Elektrisiteit en Energie, Kgosientsho Ramokgopa, tydens die Nasionale Ekonomiese Ontwikkelings- en Arbeidsraad (Nedlac) se jaarlikse spitsberaad in Pretoria.

Hy voeg by KI kan produktiwiteit verhoog, dienste verbeter, nuwe nywerhede skep en geleenthede vir werk en entrepreneurskap oopmaak.

Maar Ramokgopa waarsku dat swak bestuurde tegnologiese verandering ongelykheid kan verdiep, werkers kan verplaas en die digitale kloof kan vergroot.

Hy vra vir groter belegging in onderwys, vaardigheidsontwikkeling, heropleiding en lewenslange leer, veral vir jongmense.

Ramokgopa beklemtoon ook die belangrikheid van samewerking tussen die regering, sakeondernemings, arbeid en gemeenskappe om te verseker dat die oorgang na ‘n KI-gedrewe ekonomie inklusief is.