Trump kritiseer Navo én waarsku wapenverskaffers

Saamgestel deur Nadia Pieters
2 hours ago
1 min read

Die Amerikaanse president Donald Trump het NAVO gekritiseer oor wat hy beskryf as ’n gebrek aan steun tydens die konflik met Iran.

Hy het die opmerkings gemaak ná ’n vergadering met die alliansie se sekretaris-generaal, Mark Rutte, by die Withuis.

Te midde van spanning oor die alliansie se rol sê Trump NAVO-lande staan nie voldoende by die Verenigde State nie. Rutte het egter aangedui dat verskeie Europese lande wel logistieke ondersteuning gebied het.

Intussen het Trump ook weer gewaarsku dat lande wat wapens aan Iran verskaf, onmiddellike 50%-tariewe op uitvoere na die VSA in die gesig kan staar.

Die dreigement volg kort ná ’n twee weke lange skietstilstandsooreenkoms met Iran. Trump het geen spesifieke lande genoem nie, maar die waarskuwing word gesien as gerig op lande soos China en Rusland.