Vaal Sentraal Water ontvang hul SANAS-akkreditasie

Vaal Sentraal Water se Analitiese Dienste-laboratorium in Balkfontein het die intensiewe Suid-Afrikaanse Nasionale Akkreditasiestelsel (SANAS) assesering geslaag. Bloemfontein se waterverskaffer sê op sosiale media dié akkreditasie beteken die laboratorium word beide wêreldwyd en nasionaal erken, en dat hulle bevoeg is om toetse uit te voer. Hulle voeg by die akkreditasie verseker die geloofwaardigheid en akkuraatheid van die toetse se resultate. SANAS is in 1996 gestig, en hul akkreditasie-sertifikate is 'n formele erkenning deur die Suid-Afrikaanse regering dat 'n organisasie bevoeg is om spesifieke take te verrig.