Vroue se stryd is nog lank nie verby nie

Hoewel Suid-Afrika groot vordering met vroueregte gemaak het, is die stryd vir gelykheid en veiligheid nog lank nie verby nie.

President Cyril Ramaphosa het tydens die nasionale Vrouedagviering gesê vroue beklee vandag sleutelrolle in onder meer die regbank, regering, wetenskap, landbou en die sakewêreld, maar staar steeds groot uitdagings in die gesig.

The Citizen berig vroue besit steeds nie 'n gelyke deel van die land se welvaart, grond of ondernemings nie, terwyl baie minder verdien as mans vir dieselfde werk.

Ramaphosa sê geslagsgebaseerde geweld en vrouemoord bly een van die grootste struikelblokke vir ware vryheid en het 'n beroep op alle Suid-Afrikaners gedoen om saam te werk om dié geweld te beëindig.

Cyril Ramaphosa. FOTO: Facebook