Vrystaatse burgemeesters verontagsaam die ANC

Vrystaatse burgemeesters het die ANC openlik verontagsaam deur die party se ultimatum van die provinsiale sekretaris te verwerp wat hul onmiddellike bedanking eis. Die sewe burgemeesters het afsonderlik aan die ANC se provinsiale sekretaris, Polediso Motsoeneng, geskryf en 'n verduideliking geëis oor watter kriteria gebruik is om tot die gevolgtrekking te kom dat hulle moet bedank. News24 berig die oproep tot hul bedanking kom nadat die ANC se spesiale provinsiale uitvoerende komitee 'n resolusie geneem het om in te gryp en munisipaliteite te red wat hulle as swak presteer wat dienslewering betref. Korrupsie- en wanadministrasie-aanklagte is ook teen die munisipaliteite gerig. Intussen beskuldig die burgemeesters die ANC van onregverdige selektiewe behandeling.