Vrystaatse koperkabel-diewe kry tronkstraf

Beduidende suksesse is in infrastruktuurdiefstalsake in die Vrystaat behaal. ‘n 29-jarige verdagte is in Oktober in Bayswater, Bloemfontein, met koperdraad betrap, en is onlangs tot agt jaar tronkstraf gevonnis. In ‘n aparte saak is ‘n 31-jarige verdagte, wat in 2021 uit Welkom met R290 000 se gesteelde kabels gevlug het, later opgespoor. Hy is ook onlangs skuldig bevind en tot tien jaar tronkstraf gevonnis. Polisiewoordvoerder, sersant Mahlomola Kareli, sê albei beskuldigdes is onwettige immigrante.