Vrystaatse plaaswerkers word oor hul regte ingelig

Vrystaatse plaaswerkers is tydens ’n spesiale menseregtessessie by die Memel-gemeenskapsaal ingelig oor hul regte en verantwoordelikhede op plase.

Volgens inligting wat deur die Departement van Indiensneming en Arbeid gedeel is, het amptenare en die Menseregtekommissie die werkers gehelp om hul minimum werksvoorwaardes beter te verstaan.

’n Groot fokus was kwessies rondom onreëlmatige aftrekkings, veral oor reëlings vir die weiding van vee. Ander rolspelers soos Regshulp en die Openbare Beskermer was ook betrokke.

Die sessie het gefokus op oop dialoog om te verseker dat plaaswerkers beskerm word en dat werkgewers die arbeidswet nakom.

Ter illustrasie. FOTO: Pexels