Vyf mense is oorlede nadat ‘n Amazon-vliegtuig van ‘n aanloopbaan afjaag
Sep 7
1 min read
Vyf mense is oorlede en vyf ander beseer nadat ’n Amazon Air-vragvliegtuig by die Miami Internasionale Lughawe in die VSA van die aanloopbaan af is.
Volgens die BBC het die Boeing 767-300 ná landing teen bykans 209km per uur oor die einde van die aanloopbaan gejaag en verskeie voertuie getref.
Die vliegtuig het daarna aan die brand geslaan en uiteindelik vorentoe, op sy neus, tot stilstand gekom.
Die ongeluk het ’n groot noodreaksie tot gevolg gehad, met sowat 200 brandbestryders wat aanvanklik op die toneel ontplooi is.
Die Amerikaanse Nasionale Raad vir Vervoerveiligheid het ’n ondersoekspan gestuur om die ongeluk te ondersoek.
Comments