Zuma kap na Ramaphosa se leierskap

Saamgestel deur Ilde Roos
6 minutes ago
1 min read

Sonder om president Cyril Ramaphosa by die naam te noem het die leier van die MK-party, Jacob Zuma, hom daarvan beskuldig dat hy geld onder sy bed wegsteek terwyl Suid-Afrikaners swaarkry.

IOL berig die voormalige president het Sondag tydens ’n besoek aan ’n kerk in Mthatha in die Oos-Kaap ook kritiek uitgespreek oor die manier waarop die land regeer word.

Zuma se opmerkings kom te midde van Ramaphosa se voortgesette hantering van die nasleep van die Phala Phala-skandaal. Dit handel oor die inbraak by Ramaphosa se private wildsplaas in Limpopo in Februarie 2020.

Diewe het glo buitelandse valuta se versteekte kontant uit 'n rusbank gesteel.