Suid-Afrikaanse uitvoerders verwelkom die verlenging van die Amerikaanse Wet op Groei en Geleenthede in Afrika (Agoa). Amerika se Huis van Verteenwoordigers het Dinsdag gestem om die wet te verleng ná die verstryking daarvan verlede jaar. Die wetsontwerp sal nou na die Amerikaanse senaat oorgedra word, en indien goedgekeur, sal die Amerikaanse president Donald Trump dit onderteken. Ekonome waarsku Suid-Afrika egter om nie op Amerika vir uitvoere staat te maak nie, maar om pog

Denemarke se eerste minister, Mette Frederiksen, het president Donald Trump van die VSA aangesê om op te hou met dreigemente oor die oorname van Groenland. Sy sê die VSA het geen reg om enige deel van die Deense koninkryk te annekseer nie. Haar uitlatings volg ná hernude opmerkings deur Trump en ’n sosiale media-plasing wat Groenland in Amerikaanse kleure wys. Frederiksen beklemtoon Denemarke en Groenland is Navo-lede met ’n bestaande verdedigingooreenkoms met Washington. Int

Ten spyte van die onlangse toename in spanning tussen Suid-Afrika en Amerika duur handelsonderhandelinge voort. Dit volgens die minister van finansies, Enoch Godongwana. Amerika het geweier om die onlangse G20-vergadering in Suid-Afrika by te woon en sê ook dat hulle die land nie na volgende jaar se geleentheid sal nooi nie. Godongwana sê Suid-Afrika is besig om sy nuwe ambassadeur in Amerika aan te stel. Hy voeg by Suid-Afrika sal sy G20-deelname in 2027 hervat nadat Amerika

Die voormalige minister van internasionale betrekkinge en samewerking, Naledi Pandor, se visum na die VSA is sonder verduideliking herroep. Maroela Media berig die Amerikaanse konsulaat het Pandor vroeër vandeesweek per e-pos van dié besluit in kennis gestel. Die konsulaat het egter geen verduideliking verskaf oor waarom die voormalige minister, wat al verskeie kere na die VSA gereis het, se meervoudige besoekersvisum vir korttermynverblyf in die VSA herroep is nie. Volgens g

Die Bloemfonteiner wat in Oktober op ‘n plaas in Minnesota, Amerika, in ‘n ernsige veldkar-ongeluk was en lewensbedreigende beserings opgedoen het, is terug by die huis. Bloemnuus berig Dries Botha wag nou vir toestemming van die siekefonds om vier weke se rehabilitasie te ondergaan. Voorts moet hy in Desember twee operasies ondergaan om die plate en skroewe uit sy linkergewrig te verwyder. Rosestad-nuus het vroeër berig die aand met die ongeluk in Oktober moes Dries per lugm