Bloemfonteiners word oor erge donderstorms gewaarsku

Bloemfonteiners word gewaarsku om bedag te wees op erge donderstorms nadat die Suid-Afrikaanse Weerdiens ’n vlak-5 waarskuwing vir Vrydag uitgereik het.

Volgens die waarskuwing kan swaar reën, sterk winde en hael oor dele van die Vrystaat voorkom.

Die Manguang Metro Munisipaliteit sê die toestande kan tot plaaslike oorstromings op paaie en in laagliggende gebiede lei, asook skade aan infrastruktuur en onderbrekings in munisipale dienste veroorsaak.

Motoriste word aangeraai om versigtig te bestuur en hul spoed te verminder, terwyl mense ook gewaarsku word om nie tydens storms onder bome of hoë strukture skuiling te soek nie.

Ter illustrasie. FOTO: Wix