Boere in die Vrystaat word gewaarsku
- Saamgestel deur Nadia Pieters
- 2 minutes ago
- 1 min read
Boere in die Vrystaat word gewaarsku oor ’n toename in diefstal op plase.
In onlangse maande het polisie verskeie klagtes ontvang oor die diefstal van waardevolle items soos trekkerbatterye, radio’s, sensors en skermmonitors uit landboutoerusting.
Volgens polisiewoordvoerder, adjudant-offisier Mmako Mophiring, ondersoek die Reitz-polisie die voorvalle.
Boere word aangeraai om waaksaam te bly en nie trekkers sonder behoorlike sekuriteit of toesig in lande te laat nie.
Polisie sê dié voorkomende maatreëls is belangrik om die risiko van diefstal te verminder.
Alle sake, insluitend diefstal uit of van motorvoertuie, word tans ondersoek.
Comments