Die Metro vergader oor veiligheid by studenteverblyf

Die Mangaung-metro se uitvoerende burgemeester, Gregory Nthatisi, gaan volgende week met eienaars van studenteverblyf in Bloemfontein vergader oor veiligheid en regulasies by dié eiendomme.

Die vergadering volg nadat veiligheid in en rondom studenteverblyf onlangs as ’n fokusarea tydens die Safer City Indaba geïdentifiseer is.

Rosestad-nuus het vroeër berig oor kommer oor onwettige studenteverblyf in Sasolburg, waar huise glo in hoëdigtheidbehuising omskep word sonder behoorlike goedkeurings of veiligheidsmaatreëls.

Intussen sê die National Student Financial Aid Scheme op sosiale media verblyfverskaffers mag nie studente verskuif of uitsit sonder ’n wettige proses nie, en studente mag ook nie in eiendomme gehuisves word wat nie aan minimum standaarde voldoen nie.

Gregory Nthatisi. FOTO: Facebook