Eskom het beplande onderhoud in kieserregistrasiesentrum-gebiede tydelik opgeskort
- Saamgestel deur Armando Pieters
- Aug 2
- 1 min read
Eskom het beplande onderhoud in gebiede wat as kieserregistrasiesentrums geïdentifiseer is, tydelik opgeskort om betroubare elektrisiteitsvoorsiening hierdie naweek te verseker.
Die Onafhanklike Verkiesingskommissie hou vandag sy laaste kieserregistrasieveldtog regoor die land voor die plaaslike regeringsverkiesings.
Volgens Eskom sal die tydelike opskorting help om ontwrigtings te verminder en die gladde werking van registrasiepunte te ondersteun.
Die kragvoorsiener sê ononderbroke toevoer is nodig om elektroniese toerusting, kommunikasiestelsels, beligting en ander dienste aan die gang te hou.
Eskom sê hy is daartoe verbind om ’n bevorderlike omgewing te skep vir burgers om ten volle aan demokratiese prosesse deel te neem.
Comments