Eskom sê geen diesel is al vir twee weke gebruik nie

Eskom sê die verbeterde prestasie van sy kragstasies het daartoe gelei dat die nutsmaatskappy nou reeds vir 'n tweede agtereenvolgende week geen diesel hoef te gebruik om die elektrisiteitsnetwerk te ondersteun nie.

Die kragverskaffer sê uitgawes aan diesel vir die huidige boekjaar is meer as 85 persent laer as gedurende dieselfde tydperk verlede jaar.

Volgens Eskom dui dit op 'n beduidende afname in die afhanklikheid van duur dieselaangedrewe opwekking.

Die maatskappy sê die sterker prestasie van sy opwekkingseenhede het die betroubaarheid van die kragstelsel verbeter, terwyl bedryfskoste terselfdertyd verminder is.

Eskom voeg by dat die verbetering deel vorm van sy volgehoue pogings om die land se elektrisiteitsvoorsiening meer stabiel en volhoubaar te maak.

Eskom. FOTO: News24