‘n Baba se liggaam is uit die Modderrivier gehaal
- Saamgestel deur Nadia Pieters
- Mar 6
- 1 min read
Die liggaam van ’n eenjarige baba is uit die Modderrivier gehaal nadat die kind byna twee weke lank vermis was.
Vrystaatse polisiewoordvoerder, Sersant Mahlomola Kareli, sê die voorval het op 23 Februarie plaasgevind toe ’n man glo ná ’n argument met sy ma met die baba weggehardloop het.
Volgens berigte het hy die rivier binnegegaan waar albei in die diep water verdwyn het.
’n Soek- en reddingsoperasie is onmiddellik begin, maar reddingspanne kon aanvanklik niemand opspoor nie.
Gemeenskapslede het later die liggaam van die man in die Klein Modderrivier opgemerk.
Die polisie se duikeenheid het die soektog voortgesit en die baba se liggaam is Donderdag uit die water gehaal.
Comments