Ramaphosa keur die ontplooiing van soldate vir Operasie Prosper goed

Saamgestel deur Armando Pieters
3 hours ago
1 min read

President Cyril Ramaphosa het die ontplooiing van 2200 lede van die Suid-Afrikaanse Nasionale Weermag goedgekeur om saam met die polisie te werk onder Operasie Prosper.

Die operasie, wat tot Maart volgende jaar duur, sal onwettige mynbou en bendes in die Oos-Kaap, Vrystaat, Gauteng, Noordwes en Wes-Kaap teiken.

Die ontplooiing sal meer as R823-miljoen kos.

Die president se woordvoerder, Vincent Magwenya, sê Ramaphosa versoek verder gemeenskappe om met wetstoepassing saam te werk om kriminele elemente te identifiseer en te vervreem.