Steenkool sal steeds deel van Suid-Afrika se energieportefeulje bly
- Saamgestel deur Armando Pieters
- Aug 2
- 1 min read
Steenkool sal steeds deel van Suid-Afrika se energieportefeulje bly terwyl die land sy Regverdige Energie-oorgang aanpak. Dit is volgens president Cyril Ramaphosa.
Hy het die Ummbila Emoyeni-windplaas in Bethal, Mpumalanga, amptelik geopen. Die windplaas dui op ’n verskuiwing na groener energiebronne, en het meer as eenduisend plaaslike werksgeleenthede geskep.
Die windplaas se aanvanklike opwekkingsvermoë van 155 megawatt vorm deel van ’n groter 900-megawatt-hernubare-energieprojek wat daarop gemik is om die land se elektrisiteitsvoorsiening te versterk.
Die SAUK berig Ramaphosa het die samewerking tussen die regering, Eskom, die private sektor en gemeenskappe beklemtoon, en bygevoeg die oorgang is volhoubaar en strook met Suid-Afrika se verbintenisse.
Comments