Die Vrystaatse regering gaan oneerlike kontrakteurs swartlys.
- Saamgestel deur Armando Pieters
- Apr 11
- 1 min read
Die Vrystaatse regering sê hy gaan streng optree teen oneerlike kontrakteurs wat by staatsprojekte betrokke is.
Volgens Netwerk24 het Premier MaQueen Letsoha-Mathae die week in 'n vergadering in Bloemfontein aangedui dat kontrakteurs wat hul werk nie behoorlik verrig nie, op ’n swartlys geplaas sal word. Dit beteken hulle kan ook verhinder word om in ander provinsies vir tenders aansoek te doen.
Die stap volg op toenemende kommer oor swak dienslewering en projekte wat nie volgens standaard voltooi word nie. Die regering sê belastingbetalers se geld moet beskerm word en dat kontrakteurs aanspreeklik gehou moet word vir swak werk.
Letsoha-Mathae het beklemtoon dat daar nou strenger monitering en evaluering van projekte sal wees om te verseker dat werk betyds en volgens spesifikasies afgehandel word.
Die provinsiale regering glo dié maatreëls sal help om korrupsie en onbevoegdheid hok te slaan, en uiteindelik dienslewering aan gemeenskappe in die Vrystaat te verbeter.
Comments