Alle Plasings

Die vrou van ’n pastoor wat verbind word met die dood van ’n baba van vier maande, sou na verwagting Vrydag in die Atteridgeville-landdroshof in Gauteng verskyn. Die polisie soek steeds na haar man in verband met die beweerde verkragting van die baba se ma en die moord op die kind. Die baba is ná ’n intensiewe soektog in ’n vlak graf gevind. Die ma beweer dat die pastoor en sy vrou haar baba tydens ’n ritueel by die Hennopsrivier geneem het. Die 24-jarige vrou beweer ook dat

Wetenskaplikes wat 'n reuse-skilpad, genaamd Jonathan, bestudeer, wat glo die wêreld se oudste lewende landdier is met 'n geraamde ouderdom van 194 jaar, het 287 geenvariante geïdentifiseer wat moontlik kan help om sy buitengewone langlewendheid te verklaar. Die navorsing, gelei deur die niewinsgewende organisasie Kallel en gepubliseer in Science Advances, het sy epigenoom vir die eerste keer in 'n reuse-skilpad ondersoek. Navorsers het bevind dat geen-reguleerders wat betrok

Die parlement se Portefeuljekomitee oor Samewerkende Regering en Tradisionele Sake sê mislukkings in water- en sanitasiedienste bly 'n bron van kommer in sukkelende munisipaliteite. Die komitee het kommer uitgespreek oor langdurige watertekorte, verouderende infrastruktuur en rioolprobleme tydens 'n inligtingsessie van die Departement van Samewerkende Regering. Die inligtingsessie fokus op die departement se jaarverslag vir die 2025/26-boekjaar. Die komitee het die impak van

Die Suid-Afrikaanse Menseregtekommissie waarsku dat die ondermyning van die Konstitusionele Hof die grondslag van Suid-Afrika se demokrasie bedreig. Dit volg op kommentaar van die Minister in die Presidensie, Khumbudzo Ntshavheni, tydens 'n media-inligtingsessie oor 'n onlangse Konstitusionele Hof-uitspraak. Ntshavheni het gesê Suid-Afrikaners het die reg om wysigings aan die Grondwet te eis indien dit nie hulle regte prioritiseer nie. Die kommissie sê lede van die uitvoerend

Ons begin met krieket: Proteas-kaptein Temba Bavuma het die Suid-Afrikaanse span vir die eerste toetswedstryd teen Australië op Kingsmead in Durban bevestig, met Keshav Maharaj en Simon Harmer wat as die twee draaiboulers gekies is. Kagiso Rabada is uitgelaat omdat hy nie voldoende van sy dyspierbesering herstel het nie, terwyl Anrich Nortje en Marco Jansen die snelboulaanval sal lei, met Wiaan Mulder wat ook met die bal kan bydra. Bavuma het bevestig dat Aiden Markram en Rya

President Cyril Ramaphosa sal Vrydag 'n R100 miljard- beleggingsprojek in die Vrystaat loods, wat daarop gemik is om industrialisering en belegging te bevorder. Die Vrystaatse Katalitiese Beleggings- en Industrialiseringsprojek sal by die Phuthaditjhaba Multifunksionele Sentrum in Qwaqwa van stapel gestuur word. Die Presidensie sê die projek sal motormontering, elektriese mobiliteit, energiestelsels, logistiek, vaardigheidsontwikkeling en plaaslike verskaffers ondersteun. Daa

Vrystaat Landbou (VL) verwelkom 'n bevel van die Hooggeregshof wat 'n skikking bevestig wat boere toelaat om onafhanklik bek-en-klouseer-entstowwe te bekom en toe te dien. Die organisasie sê die uitspraak verwyder beperkings op private ingryping in siektebeheer. Die VL se vise-president, Friedl von Maltitz, sê vertragings in die skikking het boere gekos deur handelsontwrigtings en veeverliese. Hy het ook gekritiseer wat hy beskryf as mislukkings in die staat se nasionale...

President Cyril Ramaphosa sê apartheid het swart Suid-Afrikaners toegang ontneem tot die grond, finansiering, infrastruktuur, tegnologie en markte wat nodig is om suksesvolle boerdery-ondernemings te vestig. Ramaphosa het Donderdag by die Redlands-suiwelplaas in Stutterheim in die Oos-Kaap gepraat. Hy sê die uitsluiting het ook toegang tot die Landbank beïnvloed, wat boere ondersteun het, maar swart mense vir dekades grootliks uitgesluit het. Ramaphosa sê die uitsluiting onde

Die adjunkpresident, Paul Mashatile, het aan die begin van die week sy pligte hervat nadat hy ten volle herstel het. Die Presidensie het Suid-Afrikaners en ander belanghebbendes bedank vir hul boodskappe van ondersteuning tydens sy herstelproses. Mashatile het ook sy dank uitgespreek vir die goeie wense, gebede en oproepe wat hy ontvang het. Die waarnemende woordvoerder van die adjunkpresident, Keith Khoza, sê daar word verwag dat Mashatile kabinetskomitees sal voorsit, die v

News24 het ’n aanmaningsbrief aan die leier van March and March, Jacinta Ngobese-Zuma, gestuur nadat sy ’n ondersoekende joernalis, Khaya Koko, se selfoonnommer op Facebook gepubliseer het. EWN berig dit het binne minute tot doodsdreigemente, teistering en beledigende boodskappe en oproepe aan hom gelei. Koko ondersoek die oorsprong van die March and March-beweging, asook die bron van finansiering vir Ngobese-Zuma en haar man se regeringskontrakte. News24 se prokureurs het ge

Die Suid-Afrikaanse aanlyn akkommodasieplatform LekkeSlaap is oorgeneem deur 'n konsortium wat Investec, Janic Capital, die Ferreira- en Moolman-familiekantore, en Bellair Road Investment Partners insluit. Die stigters, Jonathan Womersley en Marcel van de Ghinste, het hul volle aandelebelange verkoop. Die uitvoerende hoof, Frans Joubert, en die bestaande uitvoerende span sal in hul poste aanbly. Herman Bosman word voorsitter, terwyl Robert Paddock by die direksie aansluit. Ne

Daar is ’n tekort aan merkers vir Afrikaans Huistaal, Engels Huistaal en Geskiedenis vir vanjaar se matriekeksamen. Dit is volgens die Raad vir Gehalteversekering in die Onderwys (Umalusi). The Citizen berig Umalusi sê hy is egter tevrede dat daar oor die algemeen genoeg nasienkapasiteit is. Die Departement van Basiese Onderwys beplan om vroeg met die nasienwerk te begin en dit in fases te doen om die tekort te bestuur. Dieselfde probleem is in 2024 aangemeld. Umalusi sê die

Die president van die Verenigde State van Amerika, Donald Trump, sê Iran en sy weermag is uitgewis. Trump het aan verslaggewers gesê die oorlog in Iran sal binnekort eindig. Die oorlog het in Februarie begin toe die VSA en Israel Iran aangeval het. Iran het gereageer deur Amerikaanse teikens in die Golfstreek aan te val en die Straat van Hormuz te sluit. Trump sê wêreldwye oliepryse sal daal wanneer die oorlog eindig. Ter illustrasie. FOTO: Daily Maverick

Coca-Cola en rolspelers in Suid-Afrika se watersektor het ’n vennootskap aangegaan om R500 miljoen in munisipale waterinfrastruktuur te belê. Die geld sal tussen 2026 en 2031 aangewend word om waterverliese weens lekkende pype, verouderde infrastruktuur en swak monitering te bekamp. Business Tech berig Suid-Afrika verloor tans sowat 47 % van sy behandelde water voordat dit betalende verbruikers bereik. Die eerste fase van die projek begin in die Stad Tshwane en sal onder meer

Die MK-party gaan 'n klag van crimen injuria teen Helen Zille aanhangig maak. Dit kom nadat die DA-burgemeesterskandidaat in Johannesburg glo in ’n debat ’n MKP-lid gevloek het. Netwerk24 berig die MK-party en ActionSA het Donderdagaand in ’n gesamentlike verklaring gesê die debat op 31 Augustus tydens die televisiekanaal Moja Love se politieke debat in Soweto het byna vier uur geduur. Tydens die debat het spanning tussen die paneellede en lede van die gehoor toegeneem. Namat

Die Departement van Maatskaplike Ontwikkeling sê hy is op koers om ’n opgedateerde konsepbeleid oor die instelling van ’n basiese inkomste-toelaag te lewer. Die departement het Donderdag sy jaarverslag aan die parlement se Portefeuljekomitee oor Maatskaplike Ontwikkeling voorgelê. Hy sê die opgedateerde konsepbeleid sal voor die einde van dié boekjaar aan die kabinet voorgelê word. Sommige politieke partye en burgerlike organisasies het gevra vir ’n permanente bestaansmiddelt

Die minister van Justisie en Grondwetlike Ontwikkeling, Mmamoloko Kubayi, sê die onlangse uitspraak van die Konstitusionele Hof oor asielsoekers hou verband met prosedurele kwessies. Kubayi het Donderdag die media ingelig ná ’n dringende vergadering van die Interministeriële Komitee oor Migrasie, waarvan sy die voorsitter is. Sy sê die uitspraak verleen nie outomaties vlugtelingstatus nie en waarborg ook nie die reg om onbepaald in Suid-Afrika te bly nie. Kubayi verduidelik o

Die polisie in Gauteng is op soek na ’n pastoor nadat ’n ma glo verkrag en haar vier maande oue baba in ’n vlak graf gevind is. Volgens voorlopige inligting het die ma saam met haar pastoor en sy vrou na die Hennopsrivier gegaan vir ’n ritueel. Die ma is toe glo verkrag en vasgebind, terwyl die pastoor en sy vrou glo met haar baba verdwyn het. Sy het daarin geslaag om haarself te bevry en het by ’n nabygeleë konstruksieterrein om hulp gaan vra. ’n Polisiewoordvoerder, kolonel

Die Vrystaatse polisie het 'n 21-jarige vrou in hegtenis geneem ná die dood van haar driejarige dogter naby Bethlehem. Volgens die polisie is die kind na bewering gisteraand in 'n agterplaashut by die vrou se huis in Voggelfontein verwurg. Polisiebeamptes is na die toneel ontbied en het die ma in hegtenis geneem voordat sy vir mediese behandeling en evaluering geneem is. Sy sal na verwagting op 'n aanklag van moord in die Bethlehem-landdroshof verskyn. Die polisie sê die omst

Die MK-party sê sy leier, Jacob Zuma, is in goeie gesondheid. Dit volg nadat berigte die rondte gedoen het dat Zuma siek is en in die hospitaal opgeneem is. Die party sê Zuma was in die hospitaal vir ’n roetine-mediese ondersoek. Die MK-party sê die voormalige president is in ’n goeie luim en gereed om die plaaslike regeringsverkiesingsveldtog te lei.

Die regering sê hy oorweeg die implikasies van ’n onlangse uitspraak van die Konstitusionele Hof wat asielsoekers en bepalings van die Vlugtelingewet raak. Die Interministeriële Komitee oor Migrasie sal na verwagting met die betrokke departemente, regskenners en ander belanghebbendes vergader om ’n praktiese pad vorentoe te bepaal. Intussen doen die minister van Justisie, Mmamoloko Kubayi, ’n beroep op Suid-Afrikaners om kalm te bly en bespiegeling of verkeerde inligting te v

Die minister van elektrisiteit, Kgosientsho Ramokgopa, sê die regering sal die miljarde rande wat munisipaliteite aan Eskom skuld, aanspreek. Ramokgopa sê die regering werk saam met die Nasionale Tesourie en die Departement van Samewerkende Regering en Tradisionele Sake om skuldooreenkomste te versnel. Die minister sê Eskom wil nie kredietbeheer teen munisipaliteite implementeer nie, want kragonderbrekings sal die ekonomie beïnvloed.

Ons begin met krieket: Die Flexbrands Knights het Woensdagaand hul vierde agtereenvolgende nederlaag in die YesPlay Pro20 Cup gely. Die Flexbrand Knights het 151 vir ses in hul 20 beurte aangeteken nadat Wian Ruthven ’n belangrike 73 van 42 balle geslaan het, met vyf grenshoue en vier sesse. Die Tuskers het egter die teiken met gemak bereik en 155 vir drie in net 18.2 beurte aangeteken om met sewe paaltjies te wen. Gareth Dukes was die groot uitblinker met ’n onoorwonne 82 va