Alle Plasings

Die nasionale Departement van Gesondheid berei voor vir ’n moontlike nuwe tuberkulose-entstof wat TB teen 2030 as ’n openbare gesondheidsbedreiging kan help uitskakel. Die entstof is tans in fase-drie-proewe in vyf lande, insluitend Suid-Afrika. Vroeëre proewe het belowende beskerming teen aktiewe pulmonêre TB getoon, met min veiligheidskwessies. Die entstof moet nog die proewe voltooi en deur die Suid-Afrikaanse Reguleringsowerheid vir Gesondheidsprodukte geregistreer word.

AfriForum het die Mangaung Metro Munisipaliteit in ‘n dringende skrywe tot verantwoording geroep oor sogenaamde buitensporige verhogings wat sedert die instelling van die 2026-’27-tariewe op sommige inwoners se munisipale rekeninge verskyn. Netwerk24 berig AfriForum sê in ‘n verklaring sekere inwoners, veral dié op kleinhoewes, plase en die omliggende dele van Bloemfontein soos Bainsvlei, het verhogings van etlike 100 % aangemeld. AfriForum se distrikskoördineerder in Bloemfo

Die Verenigde State van Amerika sal na verwagting Maandag met Iran gesprekke voer oor die voortdurende konflik tussen die twee nasies. Die Amerikaanse president, Donald Trump, het hierdie naweek aangekondig dat hy verdere aanvalle teen Iran afgelas het in die hoop om ’n ooreenkoms te bereik om die Straat van Hormuz oop te maak. Intussen het globale oliepryse het aansienlik gedaal in die vroeë oggendhandel ná Trump se besluit. Brent ruoliepryse het Maandagoggend met meer as 5

Die Hoër Meisieskool Eunice van Bloemfontein se Vitae Cantamus-koor het uitstekend presteer in die eindronde van die nasionale ATKV-Applous Skoolkoorkompetisie se Prestige-afdeling vir meisies in Kaapstad. Hulle is as die tweede beste meisieskoor in Suid-Afrika aangewys. Volgens ‘n plasing op die skool se sosiale media het die koor het 'n Cum Laude-toekenning ontvang met 'n van 91,98 %. Die koor se afrigter, Retha Visser, sê hulle is ook bekroon met die toekennings vir die be

Motoriste wat nie hul rybewys kan toon nie, kan beboet word, maar hulle mag nie daarvoor gearresteer word indien hulle wel 'n geldige rybewys het nie. Dit volg nadat 'n motoris beweer het hy is tydens 'n verkeersblokkade met inhegtenisneming gedreig omdat hy nie sy rybewys by hom gehad het nie. Nuus in Afrikaans sê in ‘n plasing op sosiale media die Padverkeersoortredingsagentskap (RTIA) het daarna die wet verduidelik en gesê daar is 'n belangrike verskil tussen iemand wat 'n

'n Beplande onderbreking in watervoorsiening is vir Maandag 3 Augustus geskeduleer. Volgens ‘n verklaring van die Mangaung Metro Munisipaliteit vind dit plaas vir herstelwerk by die Maselspoort-hoofwaterpypleiding. Die geaffekteerde areas sluit in: Heuwelsig; Dan Pienaar; Bayswater; Westdene; Northridge en omliggende gebiede; Pentagon Park; Die sentrale sakekern; en Dele van Noordhoek en omliggende gebiede. Ter illustrasie. FOTO: Ilde Roos

Ons skop af met rugby: Die Hollywood Foundation Pumas-vroue het hul onoorwonne reeks in die Pick n Pay Women’s Super League 2 voortgesit met ‘n oorwinning van 44–17 oor die SWD Eagirls in Nelspruit. AVBOB Griekwas-vroue het na die tweede plek op die punteleer opgeskuif nadat hulle teruggeveg het van ‘n rustyd-agterstand van 14–7 om die Luiperds-vroue met 24–19 in Potchefstroom te klop, met ‘n sterk tweede helfte-vertoning wat die bonuspuntoorwinning beklink het. Die Griffons-

'n Jong man is tydens 'n huishoudelike geskil doodgesteek en 'n vrou het kopbeserings opgedoen. Die 21-jarige slagoffer, Mothusimang Moseme, se stiefpa is in hegtenis geneem op een aanklagte van moord en een aanklag van poging tot moord. Volgens ‘n verklaring is polisielede na ‘n toneel in Hertzogville in die Vrystaat ontbied, waar hulle na die agterkant van 'n sinkhuisie verwys is. Daar is Moseme met 'n steekwond aan die linkerkant van sy nek aangetref. Volgens inligting het

Die minister van Sport, Kuns en Kultuur, Gayton McKenzie, en sy departement sal Dinsdag voor die parlement verskyn om rekenskap te gee oor die 151-lede-afvaardiging na die 2026 Fifa Wêreldbekertoernooi en die geraamde R31 miljoen wat bestee is. Die DA sê vorige antwoorde oor die uitgawes was nie deursigtig genoeg nie en eis besonderhede oor elke afgevaardigde se kwalifikasies, rol, aktiwiteite en vergaderings. Die party wil ook ’n uiteensetting van borgskappe en die opbrengs

Die suidwaartse bane van die N1 naby die Ferreira-afrit buite Bloemfontein is Sondagaand gesluit ná 'n noodlottige voetgangerongeluk. Volgens polisiewoordvoerder kaptein Loraine Earle dui voorlopige inligting dat twee voetgangers noodlottige beseer is. 'n Saak van strafbare manslag word ondersoek. Ter illustrasie. FOTO: Pexels

Die Departement van Kommunikasie en Digitale Tegnologieë sal ’n omvattende studie van stapel stuur om die oorsake van die hoë koste van data in Suid-Afrika te bepaal. Die ses maande lange studie sal ook die koste van stemoproepe, SMS’e, toestelle, verbruikersgedrag en ander kommunikasiedienste ondersoek. Die departement sê in ’n nuut uitgereikte tender dat die studie se uitkoms na verwagting beleids- en strategiese aanbevelings sal verskaf om koste te verminder. Dit sê hoë ko

Die laaste kiesersregistrasienaweek is sonder noemenswaardige uitdagings regoor die land afgehandel. Daar was berigte van minstens een gemeenskap in Limpopo wat die registrasie geboikot het, terwyl onrus ook in een gemeenskap in die Oos-Kaap aangemeld is. Baie mense het stempunte besoek om hul registrasiestatus te bevestig. Die minister van Samewerkende Regering en Tradisionele Sake, Velenkosini Hlabisa, sê hy sal Vrydag die verkiesingsdatum afkondig. Kiesers sal hul besonder

Steenkool sal steeds deel van Suid-Afrika se energieportefeulje bly terwyl die land sy Regverdige Energie-oorgang aanpak. Dit is volgens president Cyril Ramaphosa. Hy het die Ummbila Emoyeni-windplaas in Bethal, Mpumalanga, amptelik geopen. Die windplaas dui op ’n verskuiwing na groener energiebronne, en het meer as eenduisend plaaslike werksgeleenthede geskep. Die windplaas se aanvanklike opwekkingsvermoë van 155 megawatt vorm deel van ’n groter 900-megawatt-hernubare-energi

’n Old Mutual-verslag dui aan dat Suid-Afrikaners steeds besteding sny deur hul TV-stroomdienste af te gradeer en goedkoper aankope te maak. Volgens die 2026 Savings and Investment Monitor-verslag het 29% van die respondente ’n TV-stroomdiens afgegradeer. Intussen het 27% oorgeskakel na goedkoper supermarkprodukte, en 24% het oorgeskakel na ’n goedkoper selfoon- of dataplan. Volgens die verslag het skulddruk die finansiële buigsaamheid van werkende Suid-Afrikaners benadeel. O

Die VF Plus het reddingsgesprekke begin nadat Premier Foods aangekondig het dat sy Tulbagh-inmaakfabriek nie die komende vrugteseisoen vrugte sal verwerk nie. Volgens Maroela Media wek die besluit groot kommer onder vrugteboere, werkers en die breër gemeenskap wat op die fabriek vir inkomste en werksgeleenthede staatmaak. Die VF Plus sê hy is reeds in gesprek met rolspelers in die landbou- en voedselbedryf om moontlike oplossings te ondersoek wat die fabriek of dele van sy be

Die Onafhanklike Verkiesingskommissie (OVK) het ’n laaste beroep op stemgeregtigde Suid-Afrikaners gedoen om te registreer om te stem voor die plaaslike regeringsverkiesing. Byna 24-duisend registrasiepunte is landwyd oop en sal Sondag om vyfuur sluit, wat kiesers ’n laaste kans bied om te registreer óf hul besonderhede op te dateer. Meer as drie miljoen registrasies is aangeteken tydens die eerste kieserregistrasie-naweek in Junie. Die OVK sê daar sal geen verdere geleenthei

Die DA eis 'n dringende parlementêre ondersoek na die besluit om die herbouprojek van die Nasionale Vergadering aan die Ontwikkelingsbank van Suider-Afrika oor te dra. Volgens Maroela Media volg die oproep nadat die Minister van Openbare Werke en Infrastruktuur, Dean Macpherson, aangekondig het dat sy departement geen bewyse kon vind dat die herbouprojek wettiglik aan die parlement oorgedra is nie. Die DA sê die besluit wek ernstige kommer oor deursigtigheid, aanspreeklikheid

Eskom het beplande onderhoud in gebiede wat as kieserregistrasiesentrums geïdentifiseer is, tydelik opgeskort om betroubare elektrisiteitsvoorsiening hierdie naweek te verseker. Die Onafhanklike Verkiesingskommissie hou vandag sy laaste kieserregistrasieveldtog regoor die land voor die plaaslike regeringsverkiesings. Volgens Eskom sal die tydelike opskorting help om ontwrigtings te verminder en die gladde werking van registrasiepunte te ondersteun. Die kragvoorsiener sê onond

President Cyril Ramaphosa sê hy sal eers kommentaar lewer oor die Madlanga-kommissie van ondersoek wanneer die kommissie sy finale verslag voltooi en aan hom oorhandig het. Die president sê dit sal onvanpas wees om op individuele getuienis of ontwikkelings te reageer terwyl die ondersoek nog aan die gang is. Sy uitlatings volg nadat onlangse getuienis voor die kommissie gefokus het op beweerde bestuursmislukkings binne die Ondersoekdirektoraat teen Korrupsie. Ramaphosa beklem

Die minister van Vroue, Jeug en Persone met Gestremdhede, Sindisiwe Chikunga, het Saterdag amptelik Vrouemaand in Durban in KwaZulu-Natal geloods. Dit kom terwyl Suid-Afrika voorberei om die 70ste herdenking van die 1956 Vroue-optog op 9 Augustus te vier, wat die vroue vereer wat vir geslagsgelykheid en sosiale geregtigheid geveg het. Die bekendstelling het die EmpowerHer-markhandelskou ingesluit, waar ondernemings in vrouebesit hul produkte en dienste uitgestal het. Chikunga

ActionSA het die uitspraak van die Gautengse Hooggeregshof verwelkom wat die skorsing van Tshwane se munisipale bestuurder Johann Mettler verbied het. Die Tshwane-raad het verlede maand tydens ’n vergadering gestem om Mettler op voorsorgskorsing te plaas. Die hof het bevind dat die speaker, Mncedi Ndzwanana, onwettig opgetree het deur die stemme van 13 DA-raadslede uit te sluit. ActionSA se Michael Beaumont sê die party het Mettler se skorsing teengestaan. Hy voeg by hoewel d

Vier mense is dood en byna 260 beseer in drie afsonderlike busongelukke wat vanoggend in die Vrystaat plaasgevind het. Volgens 'n mediaverklaring wat deur Rosestad Nuus ontvang is, het Vrystaatse nood-mediese dienste na drie ernstige voorvalle in die Xhariep- en Thabo Mofutsanyana-distrikte gereageer. Die eerste ongeluk het omstreeks halfvyf vanoggend by die R701 en Voortrekkerstraat in Smithfield plaasgevind waar 'n bus omgeslaan het. Twee mense is kritiek beseer, twee ernst

Die Suid-Afrikaanse afvaardiging by die Pan-Afrika-parlement het die land verdedig teen bewerings van xenofobie ná onlangse betogings teen onwettige immigrasie. Die afvaardiging het Suid-Afrika se verbintenis tot die handhawing van die oppergesag van die reg herbevestig terwyl die grondwetlike regte van alle mense beskerm word. Parlementslede wat die land verteenwoordig, het ook geweld en intimidasie wat met die betogings verband hou, verwerp. Die hoofsweep van die ANC, Mdumi

Twee bekende landbourolspelers is tot die Bedryfskoördineringsraad vir Bek-en-klouseer aangestel, in 'n poging om die stryd teen die uitbreking van die siekte verder te versterk. Volgens Maroela Media is Theo de Jager, uitvoerende direksievoorsitter van Saai, en dr. Danie Odendaal, direkteur van die Veearts Netwerk, Vrydag deur die Minister van Landbou, Willie Aucamp, tot die raad benoem. Die Bedryfskoördineringsraad is vroeër vanjaar gestig om die regering en die landboubedr