Sportnuus

Engeland het hul plek in die Vrouewêreldbeker-halfeindronde bespreek met ‘n spannende oorwinning van vier lopies oor Indië. In Colombo het aanhoudende reën ‘n staking van Pakistan se wedstryd teen Nieu-Seeland afgedwing, wat die Wit Varings gelyk op punte met Indië gelaat het. Suid-Afrika het vir Sri Lanka in ‘n reënverkorte 20-boulbeurt-wedstryd bestorm, en die wedstryd met ‘n foutlose oorwinning van 10 paaltjies afgesluit. Kaptein, Laura Wolvaardt, het beïndruk met ‘n spran

Raul Fernandez het sy eerste MotoGP-oorwinning behaal toe hy gister die Australiese Grand Prix gewen het. Die Spaanse jaer het uit die vierde wegspringposisie begin en die voortou geneem, terwyl Fabio Di Giannantonio en Marco Bezzecchi die podium voltooi het. Suid-Afrika se Brad Binder het agtste geëindig, ná ’n moeilike kwalifisering. Marc Márquez bly met 545 punte aan die bopunt van die kampioenskapslys, met die volgende wedren wat volgende naweek in Maleisië beslis word. R

Die Toyota Cheetahs het Vrydag in Bloemfontein met die nouste van marge verloor toe die Black Lion van Georgië hulle met 39–38 geklop het. Die Cheetahs het met 21–15 voorgeloop teen rustyd ná drie vroeë drieë deur Marco Janse van Vuren, Cohen Jasper en Michael Annies, met Jasper wat ook die ekstra punte behartig het. Kaptein Victor Sekekete het ná halftyd die voorsprong verder vergroot, maar Black Lion het sterk teruggeveg met ses drieë, waaronder ’n dubbele drie deur Dato Ab

Manchester United het Liverpool op Anfield verras met ’n 2–1 sege – hul eerste oorwinning daar in nege jaar. Bryan Mbeumo het vroeg vir Liverpool laat juig, maar Cody Gakpo het gelyk gemaak voordat Harry Maguire in die 84ste minuut met ’n kragtige kopdoel die wenner aangeteken het. Arsenal het na die bopunt van die punteleer beweeg ná ’n taai 1–0 sege oor Fulham, danksy Leandro Trossard se doel. Die Gunners se verdediging was weer uitmuntend en het geen doelskoppe teen hulle

Die 2025 Sanlam Kaapstad-marathon is vroeg Sondag afgestel weens ernstige windskade, wat organiseerders aangespoor het om die veiligheid van hardlopers en toeskouers te prioritiseer. In reaksie hierop het titelborg, Sanlam, aangekondig dat hulle die inskrywingsgelde van alle betrokke hardlopers, vir óf die 2026- óf 2027-uitgawes van die wedloop sal dek. Wedloop-uitvoerende hoof, Clark Gardner, het gesê dat besonderhede oor die geborgde inskrywingsproses binnekort gedeel sal w

Groot aksie en gees word Vrydag in die Toyota Stadion in Bloemfotnein verwag wanneer die vyfde Toyota Challenge vanaand om 6 uur afskop. Die Toyota Cheetahs sal die Black Lion van Georgië aandurf in wat beloof om ’n kragmeting van formaat te wees. Beide spanne gebruik die Toyota Challenge as 'n opbou vir die komende Europese Professionele Klubrugby (EPCR)-toernooi. Vir die Cheetahs is dit meer as net 'n vriendskaplike wedstryd, dit is 'n deurslaggewende toets van gereedheid.

Martin Van Wyk het goud verower in die Masters Mans 55–59 punte wedren by die UCI Masters Wêreld Baanfietskampioenskappe in Roubaix, Frankryk. Hy het tydens die prysuitdeling sy vlag vasgehou en saam met sy familie gevier – ’n bewys van sy trots om 'n Suid-Afrikaner te wees. Sy fietsry loopbaan het in 1984 begin toe hy 14 jaar oud was, en ná ’n pouse in sy twintigs, het hy op 33 weer begin kompeteer. Terwyl ander deelnemers spanondersteuning en vol tuig gehad het, het Van Wyk

SAFA het ‘n groot driejaar-ooreenkoms met Adidas onderteken, wat die globale sportreus die amptelike tegniese borg van alle nasionale sokkerspanne maak. Met Bafana Bafana op pad na die 2026 Wêreldbeker en Banyana Banyana wat hul opkoms voortsit, vier die samewerking ‘n nuwe era van Suid-Afrikaanse sportuitnemendheid. Die bekende Three Stripes sal vanaf 24 Maart 2026 na nasionale spanuitrustings terugkeer, wat wedstrydklere, oefenklere en ‘n volledige ondersteunerversameling i

Die geskorste president van Netbal Suid-Afrika, Cecilia Molokwane, het vir die eerste keer in die openbaar gepraat sedert sy ses maande gelede deur Wêreldnetbal verban is oor bewerings van finansiële wangedrag en personeelintimidasie. Molokwane het senior amptenare daarvan beskuldig dat hulle met Wêreldnetbal en SASCOC saamgesweer het om haar reputasie te beskadig. Sy het alle oortredings ontken en gesê dat haar uitgawes deur die NSA-uitvoerende hoof goedgekeur is en dat onaf

Proteas-draaier, Nonkululeko Mlaba, sê Suid-Afrika se onlangse ervaring in Colombo sal deurslaggewend wees, voor hul Vroue Krieket Wêreldbeker-wedstryd teen Sri Lanka. Die Proteas het tot derde op die puntelys geklim nadat hulle Nieu-Seeland, Indië en Bangladesj geklop het, na hul openingsverlies teen Engeland. Mlaba glo dat die vertroudheid wat sy vroeër vanjaar opgedoen het in Sri Lanka en Indië, haar waardevolle insig gegee het in plaaslike toestande en teenstanders. Met a

Sanzaar het aangekondig dat die Rugbykampioenskap in 2026 en 2030 plek sal maak vir internasionale toere. Die All Blacks sal volgende jaar Suid-Afrika besoek en die Springbokke sal in 2030 na Nieu-Seeland toer, vir die Greatest Rivalry-toer. Die Rugbykampioenskap sal egter in 2027, 2028 en 2029 voortgaan, met 2027 wat die eerste keer sal wees dat die toernooi in ‘n Wêreldbeker-jaar plaasvind. Verder vorm ‘n nuwe Nasiebeker-toernooi ook deel van die plan, waarin top internasio

Suid-Afrika se Paralimpiese rolstoelrugbyspan het in Noorweë gewys wat deursettingsvermoë regtig beteken, toe hulle goud wen by die 2025 Euro Afdeling C Kampioenskap. In ’n reeks intense wedstryde teen Noorweë en Ierland het die span indrukwekkende vaardigheid en spanwerk getoon. Ná ’n sterk 56–37 oorwinning teen Ierland, het Suid-Afrika die eindstryd oorheers en met ’n merkwaardige 62–29 sege die kampioenskap beklink. Hierdie prestasie is meer as net ’n goue medalje – dit is

Tiaan Jordaan, ’n predikant van Pretoria, het ’n historiese mylpaal bereik toe hy die eerste Suid-Afrikaner geword het wat al vyf ekstreme uitdagings van die sogenaamde Extreme Triathlon voltooi het. Hierdie prestasie is volgens hom nie bloot ’n menslike prestasie nie, maar “absoluut God gewees”. Jordaan het die – swem, fietsry en hardloop-afdelings, oor veral moeilike terrein – met ywer en geloof aangepak. Hy sê dat hy krag en volharding van bo ontvang het om elke deel vas t

Carlos Alcaraz het sy besluit verdedig om aan die hoogs betaalde Six Kings Slam-toernooi in Saoedi-Arabië deel te neem, ten spyte van vroeëre kommer oor die oorvol ATP-skedule en sy fiksheid. Sy deelname het kritiek ontlok gegewe die verskyningsfooi van $1,5-miljoen en die wenprys van $6-miljoen. Die Spanjaard, wat onlangs aan die Sjanghai-toernooi onttrek het om van ‘n enkelbesering te herstel, sê die toernooi se kort formaat en ontspanne aard maak dit baie minder veeleisend

Pakistan het ‘n oorwinning van 93 lopies oor Suid-Afrika binne vier dae by die Gaddafi-stadion behaal en die besoekers vir 183 in hul tweede beurt uitgeboul. Draaibouler, Senuran Muthusamy, was Suid-Afrika se uitblinker en het 11 paaltjies in die toets geneem, terwyl Pakistan se Noman Ali en Sajid Khan 15 paaltjies tussen hulle gedeel het, om op ‘n draaiende kolfblad te oorheers. Markram sê hy verwag soortgelyke toestande in Rawalpindi wanneer die tweede Toets Maandag begin.

Die Vodacom Bulle het bevestig dat hul Verenigde Rugby Kampioenskap-kragmeting met die DHL Stormers nou in Maart sal plaasvind, in plaas van gedurende die feestyd. Die wedstryd was oorspronklik geskeduleer vir 27 Desember by Loftus Versfeld, maar met baie ondersteuners wat weg gaan wees oor Kerstyd, het die span ‘n later datum verkies. Die Bulle het lank reeds hul teenkanting teen feestelike wedstryde uitgespreek en verkies Maart wanneer die Sesnasies-pouse ruimte skep in die

Mercedes het George Russell en Kimi Antonelli as hul Formule 1-jaerspan vir die 2026-seisoen bevestig. Albei jaers het vanjaar beïndruk en die Silver Arrows gehelp om tweede in die vervaardigersranglys te eindig, met ses wedrenne oor. Die Spanbaas, Toto Wolff, sê die paar het hulself bewys, terwyl Russell en Antonelli albei opgewondenheid uitgespreek het om met Mercedes voort te gaan. Andrea Kimi Antonelli (Links) & George Russel (Regs). FOTO: Autosport

Grey Kollege in Bloemfontein se ster-heelagter, Lamla Mgedezi, is as SuperSport Skolerugby se Deurbraakspeler van die Jaar 2025 aangewys. Die 17-jarige Mgedezi het tydens vanjaar se Cravenweek uitstaande vertonings gehad met verskeie drieë vir die Vrystaat span, en dis juis hierdie vertonings wat sy plek in die Suid-Afrikaanse Skolespan verseker het. Mgedezi het aan Netwerk24 gesê dat aan die begin van jaar het hy nog tweede span gespeel met groot doelwitte - om eerste span t

Indonesië het besluit om nie visums aan Israeliese gimnaste vir die wêreldkampioenskap te gee nie, in lyn met sy steun aan Palestina. Die land, wat geen diplomatieke betrekkinge met Israel het nie, het die besluit geneem kort voor die kampioenskap wat later vandeesmaand plaasvind. As gevolg hiervan mag Israeliese atlete, insluitend stergimnas Lihie Raz , nie aan die toernooi deelneem nie. Die besluit het groot omstredenheid ontketen, met sportliggame wêreldwyd wat die politie

Die MotoGP-wêreldkampioen, Marc Marquez, het ‘n suksesvolle operasie aan sy regterskouer in Madrid ondergaan. Die Ducati Lenovo-ryer het ‘n korakoïde fraktuur en ligamentskade in ‘n ongeluk in Indonesië opgedoen, en dokters het vir chirurgie besluit nadat ‘n week van immobilisasie die besering nie kon stabiliseer nie. Chirurge het sy akromioklavikulêre ligamente herstel om langtermyn-onstabiliteit te voorkom, en Marquez herstel nou tuis. Sy terugkeer na wedrenne sal afhang va

Suid-Afrika het Rwanda met ‘n 3-0 oorwinning by Mbombela-stadion geklop om Groep C te lei en te kwalifiseer vir die 2026 FIFA Wêreldbeker in Kanada, Mexiko en die VSA. Oswin Appollis het goed vertoon en Thalente Mbatha se openingsdoel opgestel voordat hy self een aangeteken het en later ‘n opstel vir Evidence Makgopa se kopdoel vir die derde doel verskaf het. Hugo Broos se manne was van begin tot einde in beheer en sal nou hul aandag op vriendskaplike wedstryde vestig, as voo

Suid-Afrika se manshokkiekaptein, Dayaan Cassiem, sê die span is bly dat hulle uiteindelik hul 2026 FIH Wêreldbeker-kwalifiseringsveldtog aan die gang gekry het met ‘n 3-1 oorwinning oor Kenia, nadat hul openingswedstryd teen Zambië in ‘n 5-0-nederlaag geëindig het. Die kaptein het Kenia se fiksheid en vasberadenheid geprys en opgemerk dat die drie punte noodsaaklik was, selfs al was die vertoning nie hul beste nie. Met ‘n beslissende botsing teen die gasheer, Egipte, volgend

Grant de Jager nader ‘n kinderdroom terwyl hy voorberei om Suid-Afrika by die HSBC SVNS in Kaapstad te verteenwoordig. Die voormalige Maties-ster sê sy Olimpiese ambisie is aangewakker toe hy die Blitsbokke brons by Rio 2016 sien wen het. Nou deel van die nasionale opset, werk De Jager hard om te leer by senior spelers soos Ryan Oosthuizen en David Britz terwyl hy sy kenmerkende werksetiek handhaaf. Vars nadat hy SA ‘A’ gehelp het om in Mauritius te wen, hoop hy om verlede ja

Die Skotse skeidsregter Hollie Davidson gaan in November weer geskiedenis maak wanneer sy die eerste vrou word om ’n All Blacks-toets te blaas. Davidson sal die wedstryd tussen Nieu-Seeland en Wallis in Cardiff hanteer — ’n reuse prestasie wat wêreldwyd opslae maak. Die 32-jarige is onlangs deur Wêreldrugby aangewys as Skeidsregter van die Jaar, ’n erkenning vir haar konsekwente uitmuntendheid en professionele hantering van topwedstryde. Rugbyondersteuners sien met groot afwa