Nuus

Venezuela se gevange president, Nicolás Maduro, en sy vrou, Cilia Flores, het 'n verhoordatum gekry vir aanklagte dat hulle hul leiersposisies in die olieryke Suid-Amerikaanse land misbruik het om die versending van kokaïen te fasiliteer. Die aanklagte sluit onder meer sameswering om narco-terrorisme te pleeg, asook die besit van masjiengewere en ander vernietigende wapens in. Sky News berig die verhoordatum is op 1 Junie 2027 vasgestel en die skedule vir voorverhoor-aansoeke

'n Tien jaar lange vlug van die gereg het Dinsdagaand tot 'n einde gekom toe 'n voortvlugtige in hegtenis geneem is wat vir 'n misdaad gesoek is wat byna twee dekades gelede gepleeg is. Polisiewoordvoerder sersant Mahlomola Kareli sê Patrick Machuto was sedert 2015 op die vlug nadat hy versuim het om in die hof te verskyn in verband met 'n moord- en roofsaak wat in 2007 in die Kopanong-gebied naby Bloemfontein aangemeld is. Rosestaad-nuus se Ilde Roos verduidelik verder die V

Koedoemis kan nou gebruik word om wildbevolkings te tel. Dit is volgens navorsing van PhD-student Ruan Jacobs van die Universiteit van die Vrystaat (UV) se Departement Genetika. Netwerk24 berig die studie bewys dat DNS, wat uit koedoemis onttrek word, gebruik kan word om wildbevolkings se getalle akkuraat te skat – sonder dat die diere gevang of selfs gesien hoef te word. Volgens Jacobs se studieleier, Paul Grobler, bied die tegniek veel meer as net ’n koptelling. Hy sê 'n di

Die afsettingskomitee het die sperdatum vir politieke partye verleng om kandidate vir aanstelling as bewysleier te nomineer. Partye het nou tot Vrydag om bykomende nominasies in te dien. Die voorsitter van die komitee, Makashule Gana, sê lede sal die kandidate by hul vergadering volgende week oorweeg voordat hulle ’n aanstelling aan die parlement aanbeveel. Gana sê die komitee het ook die sperdatum vir partye verleng om konsensus te bereik oor die ondersoek se verwysingsraamw

Dele van Bloemfontein kan Donderdag lae waterdruk of tydelike onderbrekings in watervoorsiening ervaar. Dit is weens Centlec se beplande kragonderbreking by die Maselspoort-waterbehandelingsaanleg. Volgens 'n kennisgewing van die Mangaung Metro Munisipaliteit kan dié onderbreking Donderdag vanaf 07:00 tot 18:00 plaasvind. Indien dit nie gebeur nie, kan die onderbreking op 30 Julie plaasvind. Die gebiede wat geraak kan word, is: Bayswater; Naval Hill; Dan Pienaar; Maselspoort;

Die vakbond Nehawu beskuldig die Vrystaatse Departement van Gesondheid daarvan dat hulle gesondheidsfasiliteite laat agteruitgaan, en verwys na herhaalde sluitings wat verband hou met nie-nakoming van beroepsgesondheid en -veiligheid. Die vakbond sê die provinsiale lykshuis; Masilo-kliniek; PAX-kliniek; Meloding-kliniek; die Lejweleputswa-distrikskantoor en dele van die Mediese Depot is almal geraak deur probleme, insluitend water- en elektrisiteitsonderbrekings, swak ventila

Die oplettendheid van 'n Welkomse polisiebeampte het daartoe gelei dat 'n voormalige werknemer van die Suid-Afrikaanse Polisiediens skuldig bevind is aan korrupsie en die aanvaarding van onbehoorlike voordeel. Pitso Miya, wat as administratiewe klerk by die Welkom-polisiestasie gewerk het, het hom valslik as 'n aangewese drankbeheerbeampte voorgedoen en aan 'n slagoffer belowe dat hy teen betaling 'n dranklisensie vir hom sou reël. Toe die lisensie nooit uitgereik is nie, het

'n Jong vrou van die Vrystaat is deur haar oom, wat 'n tradisionele geneesheer is, verkrag. Volgens polisiewoordvoerder adjudant-offissier Mmako Mophiring is Bafana Maboya tot 12 jaar direkte gevangenisstraf gevonnis. Die 19-jarige vrou van Katlehong het haar oom in Qwaqwa besoek, wat haar gevra het om saam met hom te gaan om tradisionele medisyne vir 'n kliënt te gaan haal. Met hul aankoms by die spreekkamer het die beskuldigde die slagoffer beveel om haar klere uit te trek

Die vonnisoplegging van twee voormalige polisiesersante uit die apartheidsera wat skuldig bevind is aan die voorbedagte moord op die studente-aktivis Caiphus Nyoka is uitgestel. Die vonnisoplegging van Hercules Engelbrecht en Pieter Stander, beide in hul sestigs, sou hierdie week in die Gauteng-hooggeregshof begin. Nyoka is in 1987 verskeie kere by sy huis geskiet. ‘n Woordvoerder van die Nasionale Vervolgingsgesag, Tshegofatso Makhudu, sê Engelbrecht het deur sy regsverteenw

'n Man wat daarvan beskuldig word dat hy sy gesin in die Verenigde Koninkryk vermoor het, het sy borgtog-aansoek in Suid-Afrika laat vaar. Volgens die Nasionale Vervolgingsgesag staan Ndodana Tshuma tereg op 'n aanklag van die besit van 'n ongelisensieerde vuurwapen en ammunisie in Suid-Afrika. Die 46-jarige is op 10 Julie in hegtenis geneem nadat Britse owerhede die Suid-Afrikaanse polisie gevra het om hom op te spoor. Hy het die Verenigde Koninkryk verlaat twee dae voordat

Dissiplinêre stappe teen die Mangaung-metro se stadsbestuurder, Sello More, is tydens 'n spesiale raadsvergadering goedgekeur. Bloemnuus-Express berig die DA se versoek om 'n dissiplinêre proses te begin is aanvaar en 'n onafhanklike ondersoeker moet nou binne sewe dae aangestel word. Die ondersoek sal fokus op 18 bewerings wat onder meer verband hou met bevindings van die ouditeur-generaal, beweerde swak finansiële bestuur en die versuim om aan wetlike en raadsverpligtinge t

Nog vier nie-uitvoerende direkteure van die Openbare Beleggingskorporasie (OBK) het bedank, wat die bestuurskrisis by die instelling verder verdiep. Eyewitness News berig die minister van finansies, Enoch Godongwana, het 'n vergadering vir 27 Julie belê waar die moontlike ontbinding van die direksie oorweeg sal word. Die jongste bedankings volg nadat nog twee raadslede vroeër uitgetree het, wat die totaal op ses in net meer as 'n week te staan bring. Die OBK is die grootste b

AfriForum beskuldig die plaaslike owerheid daarvan dat 'n rioolstorting in Viljoenskroon in die Vrystaat steeds nie aangespreek word nie. Volgens die organisasie word inwoners en vee weer aan rou riool blootgestel. AfriForum sê die probleem is reeds in 2022 by die Suid-Afrikaanse Menseregtekommissie aangemeld en is destyds ná ingryping opgelos. Die organisasie versoek nou dat dringend opgetree word en waarsku dat die rioolstorting ernstige gesondheids- en omgewingsrisiko's in

Geweld by skole in die Mangaung-metro is volgens 'n nuwe studie eerder 'n teken van die sosiale uitdagings waarmee baie gemeenskappe worstel as bloot swak dissipline onder leerders. My City Bloem berig meer as 800 leerders in die metro is as moontlike bendelede geïdentifiseer. Die studie voer aan dat armoede, werkloosheid, dwelmmisbruik, voedselonsekerheid en geweld in gemeenskappe 'n groot bydrae tot skoolgeweld lewer. Hoewel maatreëls soos polisievennootskappe en deursoekin

Hulp word gevra om 'n persoon op te spoor wat met 'n ondersoek na 'n beweerde motordiefstal in Heidedal kan help. Volgens polisiewoordvoerder Sersant Sinah Mpakane is 'n wit Datsun Go glo tydens 'n 21ste verjaardagpartytjie in Hibiscusstraat gesteel. Die voertuig se eienaar en haar niggie het glo die motorsleutels in die aansitter gelos terwyl musiek gespeel het en die huis binnegegaan. 'n Man wat slegs as Kagisho of Pogisho bekend is, het na bewering by die voertuig agtergeb

Reisigers wat vanuit Uganda en die Demokratiese Republiek van die Kongo na Suid-Afrika reis moet voortaan 'n gesondheidsvraelys voltooi weens die uitbraak van die Ebola-virus. SANews berig die Departement van Gesondheid sê die vraelys kan tot 24 uur voor vertrek ingevul word om die aankomsproses te vergemaklik. Meer as 2 000 bevestigde Ebola-gevalle en sowat 800 sterftes is sedert die uitbreking in Mei aangemeld. Die departement sê die maatreël is ingestel om gesondheidsrisik

Die wrak van 'n Pan American World Airways-vliegtuig wat 74 jaar gelede in die Atlantiese Oseaan neergestort het is uiteindelik opgespoor. Nuusflits berig die Douglas DC-4 het in 1952 kort ná opstyg uit Puerto Rico in die moeilikheid beland nadat twee enjins onklaar geraak het. Altesaam 52 van die 69 mense aan boord het in die ongeluk omgekom. Die wrak is sowat 610 meter onder die seeoppervlak met behulp van 'n outonome sonar-duikboot gevind. Die ontdekking bring afsluiting v

Oliepryse het tot hul hoogste vlak hierdie maand gestyg. Die styging volg op die eskalasie in vyandelikhede tussen die Verenigde State van Amerika (VSA) en Iran. Oliepryse het vroeër Woensdag tot meer as $94 per vat gestyg. Die VSA het sy aanvalle in Iran voortgesit terwyl Iran Amerikaanse terreine in Bahrein, Koeweit en Jordanië geteiken het. Ten minste een tenkskip is Dinsdag in die Straat van Hormuz getref. Ter illustrasie. FOTO: Facebook

’n Michelin-ster-restauranteienaar word daarvan beskuldig dat hy miere as garnering vir ’n nagereg gebruik het. Die eienaar van 'n Suid-Koreaanse restaurant erken dat hy miere bedien het, maar het aangevoer dat hulle slegs in ’n klein deel van die spyskaart gebruik is en dat gaste ander garnering kon kies. Ondersoekers skat dat ongeveer 49 000 miere wat uit die VSA en Thailand ingevoer is, oor vier jaar in verskeie geregte gebruik is. Die saak het aan die lig gekom nadat die

’n Britse Zimbabwiese burger wat daarvan beskuldig word dat hy sy gesin in die Verenigde Koninkryk vermoor het, sal moontlik eers in Suid-Afrika verhoor word voordat hy aan die VK uitgelewer word. Sy verhoor duur Woensdag in die Johannesburg-landdroshof in Gauteng voort. Ndodana Tshuma het na bewering sy vrou en twee dogters vroeër vandeesmaand by hul huis in Bedfordshire vermoor voordat hy na Suid-Afrika gevlug het. Britse owerhede het sedertdien bevestig dat slagoffers met

Die Wysigingswetsontwerp op Arbeidsverhoudinge en die Wysigingswetsontwerp op Indiensnemingswette wat vroeër vanjaar vir openbare kommentaar gepubliseer is, kan in 2028 aangekondig word. Dit is volgens die direkteur vir Kollektiewe Bedinging van die Departement van Indiensneming en Arbeid, Stephen Rathai. Hy sê die departement is besig om die openbare kommentaar op die voorgestelde wysigings te verfyn. Rathai sê die wetsontwerpe sal na verwagting teruggestuur word na die Nasi

Die die liggame van twee babas is in afsonderlike voorvalle in Welkom ontdek. In die eerste geval is ’n baba na bewering in Junie verlate in ’n vullisdrom in Doorn gevind. In die tweede geval is die liggaam van ’n ander baba in Julie in Rheederpark ontdek nadat dit na bewering deur ’n hond na die gebied gebring is. Vrystaatse polisie het twee geregtelike doodsondersoeke geopen, en doen ’n beroep op enigiemand met inligting om na vore te kom. Ter illustrasie. FOTO: Pexels

Die parlement se ad hoc-komitee is versoek om die breër netwerke van politieke invloed en georganiseerde misdaad wat verband hou met onwettige mynbou in Suid-Afrika aan te spreek. Die mynboubelangegroep Macua het dié oproep gemaak in sy voorleggings aan die komitee wat bewerings van polisiekorrupsie ondersoek. Dit het die komitee gevra om verskeie kwessies in sy finale verslag te oorweeg, insluitend die individue wat onwettige mynbou organiseer en daaruit munt slaan. Macua wa

Minder as 'n maand nadat die Kantoor van die Toesighoudende Regter oor die Ondersoekdirektoraat teen Korrupsie (Idac) tot stand gebring is, gaan sy hoof, Andrea Johnson, ondersoek word. Die kantoor het bevestig dat hy meer as een klagte teen Johnson ontvang het. Hoewel die kantoor bevestig het dat die klagtes ontvang is, wou dit nie kommentaar lewer oor die inhoud daarvan nie. Die kantoor het beklemtoon dat die ontvangs van 'n klagte nie beteken dat daar reeds bevind is dat e