Nuus

Vertragings met die uitrol van entstof teen bek-en-klouseer hou 'n erngstige bedreiging vir die Vrystaat se kalfseisoen in, terwyl boere reeds groot verliese weens vrektes en verswakte kuddes ly. Maroela Media berig volgens die VF Plus-leier in die Vrystaat, Jan van Niekerk, plaas die ernstige tekort aan entstof boere onder geweldige druk terwyl die kalfseisoen vinnig nader kom. Hy sê die situasie is op ’n kritieke punt omdat boere reeds finansiële en emosionele skade ervaar.

Die Amerikaanse president, Donald Trump, sê die skietstilstand tussen die Verenigde State en Iran is steeds van krag, maar balanseer op ʼn mespunt. Trump het by die Withuis gesê die ooreenkoms is uiters broos en het Iran se jongste voorstel om die konflik te beëindig as onaanvaarbaar beskryf. Iran se parlementêre speaker, Mohammad Ghalibaf, het gewaarsku dat Iran se weermag gereed is om op enige aggressie te reageer. Spanning oor Iran se kernprogram en die Straat van Hormuz bl

Die Wêreldgesondheidsorganisasie (WGO) sê sewe bevestigde gevalle van Andes-hantavirus is nou gekoppel aan passasiers aan boord van die passasierskip MV Hondius. Die totale aantal aangemelde gevalle staan nou op nege. Dit volg nadat Frankryk bevestig het dat ’n Franse passasier wat van die skip ontruim is, positief getoets het. In totaal is drie mense dood. Die WGO sê ondersoeke en monitering van passasiers en noue kontakte duur voort terwyl gesondheidsowerhede werk om die ui

Die speaker van die Nasionale Vergadering, Thoko Didiza, sê die Nasionale Vergadering sal ‘n vervolgingskomitee instel soos deur die Grondwethof aangedui is. Didiza het Maandag met ANC-amptenare en advokaat Thembeka Ngcukaitobi vergader na aanleiding van die Konstitusionele Hof se uitspraak Vrydag rakende Phala Phala. Die advokaat het die party ingelig oor die regsgeleenthede wat in die uitspraak beskikbaar is. Didiza sê die parlement sal ses stappe in die vervolgingsproses o

Die aantal moontlike kontakte met hantavirus-besmette mense het tot 97 in Suid-Afrika gestyg. Die minister van gesondheid, Aaron Motsoaledi, het die getal Maandag aan die SABC bevestig, en gesê hulle werk saam met die Wêreldgesondheidsorganisasie (WGO) om gevalle plaaslik op te spoor. Die hantavirus-uitbraak op die MV Hondius-passasierskip het wêreldwyd aansienlike kommer veroorsaak. Volgens die WGO versprei hantavirus deur kontak met die urine, ontlasting of speeksel van bes

Suid-Afrika se poreuse grense bly ’n groot uitdaging in die bekamping van onwettige dwelmhandel. Dit is volgens die Valke in Gauteng se kolonel Francois Steyn - die jongste getuie wat voor die Madlanga-kommissie van ondersoek verskyn het. Hy het aan die kommissie gesê dat smokkelaars steeds swak grensbeheer uitbuit om dwelms die land in te bring. Hy het ook onthul dat kriminele netwerke spesiaal vervaardigde drywende toestelle gebruik om dwelms van groot verskepings op see oo

Vanjaar se verslag oor die stand van werksmagwagwoordsekuriteit het bevind dat Suid-Afrika die hoogste kuberaanvalsyfer wêreldwyd aangeteken het. Die verslag toon dat 36 persent van organisasies berig het dat hulle kuberaanvalle ervaar het. Intussen het 79 persent van organisasies erken dat hulle nie gebruikersidentiteite en toegang ten volle kan opspoor nie. Die verslag toon dat bedreigings gebaseer op geloofwaardige kommunikasie, insluitend phishing en gekompromitteerde wag

ActionSA sê nuwe bewerings dat ten minste 15-miljoen rand van president Cyril Ramaphosa se Phala Phala-plaas gesteel is, het vrae rondom die skandaal verdiep. Die party het staatsinstellings daarvan beskuldig dat hulle nie Ramaphosa aanspreeklik gehou het nie, en bygevoeg dat die Konstitusionele Hof se uitspraak wat die Artikel 89-proses heropen ’n nuwe geleentheid vir ondersoek geskep het. ActionSA se nasionale voorsitter, Michael Beaumont, het belowe om aanspreeklikheid in

Die Nasionale Studente Finansiële Hulpskema (Nsfas) sê privaat verblyfbetalings vir universiteite is verlede week Donderdag vrygestel. Die skema bevestig dat verskaffers wat by FNB bankdienste doen, onmiddellik fondse ontvang, terwyl ander banke geringe vertragings kan ervaar as gevolg van interbankverwerkingstydlyne. Volgens Nsfas is meer as een-komma-een-miljard rand hierdie kwartaal uitbetaal, wat meer as 100-duisend studente bevoordeel het. Ongeveer 95 persent van verblyf

Die voortbestaan van die regering van nasionale eenheid kan nie ten koste van die beskerming van president Cyril Ramaphosa kom nie. Dit is volgens die DA se leier, Geordin Hill-Lewis. Ramaphosa sal na verwagting ’n ondersoek na die diefstal van buitelandse valuta en beweerde toesmeerdery op sy Phala Phala-wildplaas in 2020 in die gesig staar. Hill-Lewis hou vol dat geen persoon bo aanspreeklikheid geplaas moet word nie. Hy sê sy party sal nie oortredings ignoreer net omdat di

Die konflik in die Midde-Ooste verhoog die gevaar vir walvisse langs die Suid-Afrikaanse kus. Maroela Media berig navorsers het aan AFP gesê dit is aangesien skeepsverkeer toenemend deur die walvisse se habitat herlei word en gevolglik die risiko van botsings vergroot. Onlangse aanvalle en die konflik in Iran wat deurvaart deur die Straat van Hormuz belemmer het, het daartoe gelei dat skeepsmaatskappye meer vaartuie om die Kaap die Goeie Hoop stuur. Die verslag aan die Intern

Die minister van handel, nywerheid en mededinging, Parks Tau, sê die transformasie van Suid-Afrika se ekonomie bly ’n prioriteit en dat daar geen verskoning is om inklusiewe groei na te streef nie. Tau het die opmerkings gemaak tydens ’n vergadering met die Zoeloe-nasie se koninklike kanselier, Inkosi Malusi Zondi, in Richardsbaai. Besprekings het gefokus op ondersteuning vir Tongaat Hulett en ArcelorMittal, asook regeringsaansporingsprogramme. Tau sê die regering bly daartoe

Die Suid-Afrikaanse Vereniging van Plaaslike Regering (Salga) doen ’n beroep op die publiek om aktief deel te neem aan die proses om die volgende fase van plaaslike regering te herdefinieer deur insette in te dien oor die Hersiene Konsep-Witskrif oor Plaaslike Regering. Volgens SA News het die minister van samewerkende regering en tradisionele sake, Velenkosini Hlabisa, belanghebbendes tot 28 Mei gegee om hul sienings in te dien. Salga se president, Bheke Stofile, sê alhoewel

Amerika se president Donald Trump het Iran se voorwaardes om die oorlog in die Midde-Ooste te beëindig as “heeltemal onaanvaarbaar” bestempel. Dit verhoog die moontlikheid van hernieude konflik ná weke se onderhandelinge. Maroela Media berig Iran het Sondag op die VSA se jongste vredesvoorstel gereageer en gewaarsku dat hy nie sal huiwer om op enige nuwe Amerikaanse aanvalle terug te slaan of verdere buitelandse oorlogskepe in die Straat van Hormuz toe te laat nie. Trump het

Die Mangaung Metro Misdaadbestrydingseenheid het toegeslaan op ’n moontlike “kombuis-dwelmlaboratorium” wat vanuit ’n huis in Bochabela in Bloemfontein bedryf word. Volgens 'n polisieverklaring het die span op 1 515 Mandrax-tablette, ongeveer 300 g Methaqualone-poeier, amper 4 kg kristalmethamfetamien, en ongeveer 200 g van die sogenaamde CAT-dwelm beslag gelê. Die span het ook 12 houers van 25 liter etanol, wat gebruik word om onwettige alkohol te vervaardig, gekonfiskeer. ’

Die Madlanga-kommissie van ondersoek begin Maandag sy finale week van openbare verhore voordat die tweede tussentydse verslag op 31 Mei aan president Cyril Ramaphosa oorhandig word. ’n Nuwe getuie sal na verwagting getuig oor die verdwyning van dwelms terwyl dit in die bewaring van wetstoepassingsowerhede was. Verhore het verlede week hoofsaaklik gefokus op die diefstal van 541kg kokaïen uit die Valke se kantore in Port Shepstone in 2021. Getuies het die KwaZulu-Natalse Valke

Aanlyn-rekenaarspeletjies het nog altyd gegaan oor verbondenheid, kompetisie en gemeenskap, maar vir baie mense wat met gestremdhede leef, is dit nie altyd so eenvoudig om net ’n beheerder op te tel nie. Good Things Guy berig dit is presies dié ruimte wat die Durban-gebaseerde branderplankryer David Williams probeer verander deur Konke Gamers. Wat as ’n passieprojek begin het, het gegroei tot ’n inisiatief wat daarop fokus om speletjies meer toeganklik en inklusief te maak vi

Die liggaam van 'n onbekende man is in die Caledon-rivier gevind. ’n Plaaslike beeswagter het die Ficksburg-polisie in die Vrystaat in kennis gestel nadat hy die oorskot in ’n moeilik bereikbare gedeelte van die water sien dryf het, vasgevang tussen boomtakke. Polisiewoordvoerder, luitenant-kolonel Thabo Covane, sê in 'n verklaring met die Phuthaditjhaba-polisie se soek- en reddingseenheid se aankoms is die span gekonfronteer met uiterste uitdagings, insluitend swak ligtoesta

"Afrikaans is nie ’n bruin taal of ’n wit taal nie, dit is ’n Afrika- kontinentale taal." Dit was die woorde van die minister van sport, kuns en kultuur, Gayton McKenzie, tydens die eeufeesviering vir Afrikaans as amptelike taal, wat deur sy departement by die Oorlogsmuseum in Bloemfontein gehou is. Netwerk24 berig McKenzie het in sy toespraak voor feesgangers Afrikaans as ’n besonderse taal beskryf, wat net so belangrik soos die ander amptelike tale in die land is. Hy sê daa

Die speaker van die Nasionale Vergadering, Thoko Didiza, sal na verwagting hierdie week met die parlement se regsadviseurs vergader. Sy sal die instel van ʼn vervolgingsproses en die MK-party se voorneme om mosie van wantroue teen president Cyril Ramaphosa in te stel met hulle bespreek. ’n Vervolgingsproses vereis ’n tweederdemeerderheid, terwyl ’n mosie van wantroue slegs ’n gewone meerderheid benodig. Dit kom nadat die EFF, ATM en ActionSA meen die president moet opsy tree,

Die Nasionale Verbruikerskommissie en die Suid-Afrikaanse Inkomstediens (SAID) het ‘n memorandum van ooreenkoms onderteken om die handhawing teen nie-voldoenende invoere, belastingontduiking en onveilige goedere wat die Suid-Afrikaanse mark binnekom, te versterk. Die ooreenkoms sal gesamentlike ondersoeke, inligtingdeling en gekoördineerde handhawingsaksies verbeter, veral in sektore wat kwesbaar is vir onwettige handel en regulatoriese oortredings. Owerhede sê die vennootska

Saai het skerp gereageer op onlangse uitlatings en parlementêre antwoorde deur die minister van landbou, John Steenhuisen, oor die koste van bek-en-klouseer-entstof en die nuwe artikel 10-inentingskema. Maroela Media berig die voorsitter van Saai se direksie, Theo de Jager, sê die organisasie is “uiters geskok” oor wat hy as teenstrydighede in Steenhuisen se antwoorde oor die koste van entstof beskryf. Die twis handel oor die koste van entstof teen bek-en-klouseer, asook die

Die regering het ernstige weerstoestande as ’n nasionale ramp in ses provinsies geklassifiseer, in sluitend die Vrystaat. Die ander provinsies is die Wes-Kaap, Oos-Kaap, Noord-Kaap, Noordwes en Mpumalanga. eNCA berig die gebiede ervaar ernstige storms wat wydverspreide oorstromings veroorsaak het, wat aansienlike skade aan infrastruktuur aangerig en talle mense ontwortel het. ’n Meisie van 12 jaar is verlede week dood nadat sy deur erge vloedwater in Noordwes meegesleur is. M

Die African Transformation Movement (ATM) en die MK-party het mosies van wantroue teen president Cyril Ramaphosa ingedien. Die Konstitusionele Hof het beslis dat die Parlement onwettig opgetree het toe dit teen die aanneming van ‘n verslag gestem het wat bevind het dat Ramaphosa ‘n saak het om te beantwoord met betrekking tot die Phala Phala-rooftog. In ‘n verklaring het voormalige president Jacob Zuma se party versoek dat die mosie op die Ordelys geplaas en nie later nie as