Nuus

Die Departement van Gesondheid sê twee verskillende poliovirusstamme is in afvalwatermonsters van ‘n Kaapstadse behandelingsaanleg tydens roetinemonitering opgespoor. Amptenare beklemtoon dat geen menslike gevalle gevind is nie en dat daar geen uitbreking is nie. Die departement sê die opsporings is gekoppel aan entstofverwante stamme, waarskynlik ingevoer van lande wat verskillende entstowwe as Suid-Afrika gebruik. Gesondheidsowerhede het toesig en afvalwatertoetsing as ‘n v

Die vermeende Ponzi-diamantbedrieër, Louis Liebenberg, wag steeds op 'n bed in die Weskoppies- psigiatriese hospitaal. Netwerk24 berig Liebenberg het Vrydag alleen in die landdroshof in Bronkhorstspruit verskyn. Vroeër was Liebenberg se naam 24ste op die waglys vir ’n bed. Volgens berigte kon die hospitaal nie sê wanneer ’n bed beskikbaar sou wees nie. Die saak is tot 4 Junie uitgestel, en Liebenberg bly in aanhouding. Liebenberg, sy vrou Dezzi, en sewe ander word daarvan bes

Drie verdagtes is in Parys in die Vrystaat in hegtenis geneem vir die besit van vermoedelik gesteelde vee. Volgens 'n polisieverklaring het owerhede inligting ontvang oor ’n bakkie met ’n sleepwa wat moontlik by veediefstal betrokke was. Die voertuig is op die R59 opgemerk en onderskep, en na die polisiestasie op Parys vir verdere ondersoek geneem. ’n Voorlopige ondersoek het aan die lig gebring dat die beeste gesteel is, en al drie verdagtes is onmiddellik in hegtenis geneem

'n Man is in Reddersburg in die Vrystaat in hegtenis geneem ná ’n gewelddadige bende-konfrontasie wat ’n onskuldige tiener kritiek beseer het. Volgens 'n polisieverklaring het daar na bewering Woensdag 'n bakleiery tussen lede van die BTK-bende en die Maroma-bende uitgebreek. 'n Jong man van 18 jaar oud, wat nie aan enige van die twee bendes verbonde is nie, het probeer ingryp. Die bendelede het egter teen hom gedraai, en die slagoffer drie keer in die rug gesteek. Hy is na ’

Lede van die parlement het gevra vir die kortste moontlike proses om die Phala Phala-afsettingskomitee se verrigtinge te stig en uit te voer. ‘n Reëlsubkomitee het vergader om die onlangse Konstitusionele Hof-uitspraak rakende President Cyril Ramaphosa te bespreek. Die uitspraak het ‘n afsettingsproses laat herleef wat verband hou met die diefstal van buitelandse valuta van Ramaphosa se Phala Phala-plaas in 2020. Die DA-LP, George Michalakis, waarsku dat vertragings in die aa

FlySafair het gesê besprekings en bedrywighede sal soos normaal voortgaan, ondanks die feit dat die lugredery na die Nasionale Verbruikerstribunaal verwys is oor die oorbespreking van vlugte. Dit volg op bevindings dat die laekoste-lugredery moontlik sekere bepalings van die Wet op Verbruikersbeskerming oortree het. EWN berig FlySafair voer aan dat die Wet op Verbruikersbeskerming uitdruklik voorsiening maak vir oorbespreking, mits kliënte billik behandel word wanneer ontwrig

Twee werkers se liggame is uit ’n melkverkoelingstenk op ’n melkplaas naby Humansdorp in die Oos-Kaap gehaal. Volgens Eyewitness News het nooddienste, brand- en reddingspanne en die polisie vroeer die week na die plaas gereageer nadat berigte ontvang is dat twee werknemers in die tenk vasgekeer is. Die Suid-Afrikaanse Polisiediens sê die slagoffers was onderskeidelik 27 en 54 jaar oud. Reddingswerkers moes glo gespesialiseerde toerusting gebruik om toegang tot die tenk te kr

Volgens Adjunkpresident Paul Mashatile bly deursigtigheid en verantwoordbaarheid belangrik vir regeringsleiers. Mashatile het gereageer op vrae in die parlement oor die verklaring van geskenke deur kabinetslede. Hy sê die Etiekkode vir Uitvoerende Lede vereis dat alle geskenke bo ’n bepaalde waarde verklaar moet word, insluitend geskenke van buitelandse regerings. Mashatile waarsku dat versuim om dit te verklaar as ’n oortreding van die kode beskou kan word. Hy sê kabinetsled

Die March and March-organisasie het hulself gedistansieer van ’n optog wat glo vir 30 Junie beplan word. Die organisasie het gewild geword vir hul optogte wat eis dat onwettige buitelandse burgers Suid-Afrika moet verlaat. Hulle het bewerings ontken dat dit ’n xenofobiese organisasie is, en sê dat hulle nie ’n nasionale betoging volgende maand beplan nie. Die kommentaar volg op bewerings op sosiale media dat die organisasie ’n nasionale optog teen onwettige buitelanders bepla

Die Louvre Museum in Parys gaan, as deel van ’n groot herontwerp van die museum, die wêreldbekende Mona Lisa-skildery na ’n aparte uitstallingsruimte verskuif. Die opknappingsprojek van sowat een miljard Amerikaanse dollar is daarop gemik om verkeersopeenhoping te verminder en die museum se infrastruktuur te moderniseer. Amptenare sê die nuwe ruimte sal help om lang toue en oorvol galerye rondom die beroemde skildery te verlig. Die Mona Lisa lok tans daagliks ongeveer 20 000

Kommer neem toe oor die groeiende aantal ongemagtigde begrafnisondernemings in Suid-Afrika. Volgens Eyewitness News sê die Suid-Afrikaanse Begrafnispraktisynsvereniging meer as 20 000 ondernemings werk tans sonder behoorlike registrasie. Die vereniging sê baie van dié ondernemings lewer steeds veilige dienste aan die publiek, maar moet by geakkrediteerde organisasies aansluit. Die vereniging se uitvoerende hoof, Nomfundo Mcoyi-Zondo, sê ondersteuning en opleiding is beskikbaa

AfriForum se Bloemfontein-tak vra dat die Mangaung-metro sy begroting sterker op basiese dienslewering en infrastruktuur fokus. Die organisasie sê in ‘n mediaverklaring meer geld moet gebruik word vir die herstel en instandhouding van onder meer paaie, water-, riool- en elektrisiteitsinfrastruktuur. AfriForum sê inwoners behoort nie die gevolge van swak beplanning en onvoldoende instandhouding te dra nie. Die organisasie vra ook dat inwoners wat van private vullisverwyderings

Die polisie vra Bloemfonteiners se hulp om ’n verdagte op te spoor wat gesoek word vir verkragting en sameswering om moord te pleeg. Volgens polisiewoordvoerder, lt.kol. Thabo Covane, het die man glo vroue deur Facebook en ander sosialemediaplatforms gelok deur vals identiteite te gebruik. Die polisie sê die verdagte het onlangs ’n vrou na ’n woonstel in Navalsig genooi waar sy glo bedwelm en verkrag is. Die slagoffer het daarin geslaag om te ontsnap en die voorval aan te mel

’n Voormalige selfoontoringtegnikus is tot 20 jaar direkte tronkstraf gevonnis vir die diefstal van koperkabels en skade aan selfooninfrastruktuur naby Rouxville in die Vrystaat. Die polisie sê forensiese vingerafdrukbewyse het die 43-jarige Sello Dichaba met die misdaad verbind. Volgens die polisie is sy vingerafdrukke op die toneel gevind nadat houers by MTN- en Vodacom-torings oopgebreek en koperkabels gesteel is. Die hof het Dichaba op vier aanklagte, waaronder diefstal e

Vrystaatse damme het bevredigende vlakke bereik ná die swaar reën wat die afgelope weke oor groot dele van die land uitgesak het. Volgens Nova News toon die jongste verslag van die Departement van Water en Sanitasie dat damvlakke in die provinsie tans op meer as 106 persent staan – hoër as dieselfde tyd verlede jaar. Verskeie damme loop reeds oor, wat tot verhoogde watervlakke in sommige waterlope kan lei. Die departement waarsku inwoners om versigtig te wees tydens oorstromi

Die ANC het sy benoemingsproses vir burgemeesterskandidate voor volgende jaar se plaaslike regeringsverkiesing geopen. Volgens eNCA sal Suid-Afrikaners wat nie ANC-lede is nie, ook hulself of ander vir leiersposisies in die land se agt metros kan benoem. Die stap kom te midde van voortdurende probleme by talle munisipaliteite oor infrastruktuur, dienslewering en finansiële bestuur. Die ANC sê hy wil kandidate aanstel wat basiese dienste kan herstel en vertroue in plaaslike re

Die Portefeuljekomitee vir Polisie het onlangs planne aangekondig om ‘n parlementêre ondersoek te loods om die oorsake van bendegeweld en ander verwante kriminele aktiwiteite te ondersoek. Die komitee het erken dat die huidige teen-bendestrategie onsuksesvol is. Volgens die komitee se voorsitter, Ian Cameron, sal die verwysingsraamwerk vir die ondersoek na verwagting teen die einde van hierdie maand oorweeg word. Hy sê dit is duidelik dat die huidige strategie nie so suksesvo

Adjunkpresident Paul Mashatile sê dit sal tyd neem voordat plaaslike brandstofpryse verligting toon aangesien geopolitieke spanning en blokkades steeds skeepvaart deur die strategies belangrike Straat van Hormuz ontwrig. IOL berig Mashatile het egter verseker dat die regering sal voortgaan om doelgerigte verligting en hulpbronne aan kleinskaalse boere te voorsien om hulle teen die skerp styging in bedryfs- en produksiekoste te beskerm. Die adjunkpresident het Donderdag mondel

Die Bothaville-streekhof in die Vrystaat het 'n man skuldig bevind en gevonnis op aanklagte van verkragting en roof. Volgens 'n polisieverklaring is 'n vrou op die dag van die voorval in 2021 in Kgotsong in Bothaville deur die beskuldigde, Zwelibanzi Ephraim Leshoro, genader en verkrag. Die slagoffer verduidelik sy het Leshoro raakgeloop en hy het geld van haar geëis. Sy het R200 aan hom gegee, waarna hy geëis het om seksuele omgang met haar te hê. Die hof het verder gehoor h

Die Suid-Afrikaanse regering doen ‘n beroep op alle burgers en buitelandse burgers wat in die land woon, om respek en waardigheid te beoefen in die gebruik van die land se nasionale simbole. Dit volg op die beweerde ongemagtigde gebruik van die Wapen deur die Somaliese Vereniging van Suid-Afrika. Die Departement van Sport, Kuns en Kultuur het sedertdien die Buro vir Heraldiek van Suid-Afrika versoek om ‘n formele ondersoek na die saak te doen. Die regering se woordvoerder, Wi

Bloemfonteinse polisielede wat nie aan diens was nie het ’n vermeende dwelmhandelaar en gevaarlike verdowingsmiddels van die strate van Thaba Nchu verwyder. Polisiewoordvoerder, luitenant-kolonel Thabo Covane, sê in 'n verklaring die polisielede het Woensdag op inligting gereageer wat gelei het na 'n man wat na bewering by 'n plaaslike taxi-staanplek met dwelms handel gedryf het. Die man is deursoek, wat gelei het tot die ontdekking en beslaglegging van veelvuldige plastieksa

Die Nasionale Verbruikerskommissie (NVK) het FlySafair na die nasionale verbruikerstribunaal verwys oor beweerde oortredings van die Wet op Verbruikersbeskerming. Maroela Media berig dit kom ná ʼn ondersoek wat die NVK van stapel gestuur het, nadat kommer op sosiale media ontstaan het oor bewerings dat FlySafair-vlugte oorbespreek word en dat te veel kaartjies verkoop word. Die saak het aandag getrek, nadat ʼn verbruiker glo ʼn kaartjie gekoop het maar by aankoms meegedeel is da

Gemeenskapsleiers en die waarnemende premier van die Vrystaat, Jabu Mbalula, het 'n ooreenkoms bereik nadat ontevredenheid oor die beweerde gebrekkige werwingsproses vir werk by die Middelpunt-sonkragaanleg tot gewelddadige protesoptrede in Phomolong, Hennenman, gelei het. Netwerk24 berig raadslid van Wyk 3 in die Matjhabeng-munisipaliteit, Maxie Badenhorst, sê daar is op Woensdag se vergadering ooreengekom dat 100% van die werk na inwoners van Hennenman sal gaan – met die ve

Die Padverkeerskorporasie het padgebruikers versoek om uiters versigtig te wees namate die winter oor Suid-Afrika begin intree. Volgens die agentskap bring die koue seisoen korter dae, swak sigbaarheid en gevaarlike rytoestande. Dit waarsku dat menslike gedrag die leidende faktor in padverkeersvoorvalle in die land bly. Die Padverkeerskorporasie se Simon Zwane sê voetgangers en motoriste moet dus hul gedrag drasties verander. Hy voeg by padgebruikers moet veiligheid prioritis