Alle Plasings

‘n Nuwe hof vir seksuele misdrywe gaan in Botshabelo, in die Mangaung Metro Munisipaliteit in die Vrystaat, geloods word. Die minister van justisie, Mmamoloko Kubayi, sal die hof amptelik Donderdag open. Dié gespesialiseerde hof sal kwesbare slagoffers van geslagsgebaseerde geweld en vrouemoord met opgeleide personeel en toegewyde fasiliteite ondersteun. 'n Plasing op die departement van justisie se webtuiste sê Kubayi sal later in die dag by die Vrystaatse premier, Maqueen L

Alle inligting wat deur Suid-Afrika op die G20-webtuiste gelaai is, is verwyder. Dit kom nadat Amerika se president Donald Trump amptelik sy voorsitterskap begin het. Die G20-webwerf het tans slegs ʼn landingsblad, waar ʼn swart-en-wit foto van Trump verskyn met die teks, “Miami 2026. The best is yet to come”. Maroela Media berig die Amerikaanse departement van buitelandse sake het gesê dat Trump die G20 sal laat terugkeer na die kernmissie om ekonomiese groei en voorspoed te d

Die ANC het bewerings dat hulle die verwydering van Cyril Ramaphosa as president hierdie week sal bespreek, ontken. Die gerugte volg op bewerings dat sommige leiers in die party wil hê dat hy verwyder word. Die ANC sê dat hul Nasionale Algemene Raad wel sal vergader om die implementering van hul resolusies sedert hul laaste konferensie te hersien. Die ANC se sekretaris-generaal, Fikile Mbalula, sê dat Ramphosa tot en met die volgende formele leiersverkiesing die leier van die

’n Aktivis teen plaasmoorde, Petrus Sitho, het buite die hooggeregshof in Bloemfontein gesê sy hart is seer omdat die president nie wil erken dat plaasmoorde ’n groot probleem is nie. Hy nooi die presidensie uit om die verhoor in die moordsaak van die bejaarde Christo en Christa Morrison van Glen naby Bloemfontein by te woon, sodat hulle die wreedheid van plaasmoorde kan verstaan. Netwerk24 berig die hof het Maandag gehoor die een verdagte, Motlalentoa Wolf, het in ’n erkenni

Die Departement van Water en Sanitasie het nog twee sluise by die Vaaldam gesluit om uitvloei te verminder namate waterinvloei in die dam afneem. By die Bloemhofdam word uitvloei op 1 400 kubieke meter per sekonde gehandhaaf, nadat dit Maandagoggend verhoog is. Die departement sê hierdie beheerde vrystellings is bedoel om waterinvloei en -uitvloei in die damme veilig te reguleer terwyl die integriteit van die belangrikste waterinfrastruktuur verseker word. FOTO: Facebook

Die Pretoria-hooggeregshof in Gauteng het uitspraak voorbehou in voormalige president Jacob Zuma se aansoek om te appelleer teen ‘n uitspraak wat hom gelas het om R28,9 miljoen in staatsbefondsde regskoste terug te betaal. Die appèl kom ná jare se litigasie oor die staat se befondsing van Zuma se talle hofstryde, waarvan baie uit bewerings van korrupsie en bedrog voortspruit wat na sy presidentskap terugdateer. Zuma se regspan het aan die hof gesê dat die betalings destyds de

Netbal Suid-Afrika se president, Mame Diale, sê volgende maand se Toetsreeks teen Engeland sal hoofsaaklik om logistieke en finansiële redes, by die Ellis Park Binnenshuise Arena gehou word. Sy het bevestig dat die Durban ICC hul voorkeurplek was as gevolg van sy groter kapasiteit, maar begrotingsbeperkings het beteken dat die reeks in Gauteng moes bly. Diale het bygevoeg dat die verkryging van Engeland as teenstanders op versoek van die nasionale afrigters gekom het, wat wil

Proteas-paaltjiewagter, Karabo Meso, sê die span is opgewonde om voor tuisondersteuners te speel wanneer hulle Ierland in ‘n drie-wedstryd T20 Internasionale reeks pak, wat Vrydag in Kaapstad begin. Vars nadat hulle silwer by die 2025 Wêreldbeker verower het, sê Meso die span bly geesdriftig en vasbeslote om hul momentum na die nuwe reeks te bring. Sy verwag ‘n moeilike uitdaging van Ierland, maar glo Suid-Afrika se hoër ranglys en tuistoestande bied ‘n nuttige voordeel. Kara

Viktor Hovland sal hierdie week al die aandag by die Nedbank-uitdaagtoernooi trek. Die wêreld-nommer 13 is die hoogste speler op die ranglys wat op die baan sal wees, saam met Engeland se Marco Penge, wat 29ste is. Hulle is die enigste twee spelers binne die globale top-50 wat in Sun City meeding. Die toernooi spog verder met opkomende talent Aldrich Potgieter, wat mik om die gewilde kristaltrofee te lig. Dit beloof om ’n opwindende week op die Gary Player-gholfbaan te wees,

Brood is ʼn stapelvoedsel vir miljoene Suid-Afrikaners, maar min besef dat die produsente wat hierdie produk se gewas verbou, onder geweldige druk verkeer. Die Suid-Afrikaanse koringbedryf verkeer in ʼn “krisistoestand”. Dit is te danke aan toenemende insetkoste, lae internasionale pryse en onvoldoende markbeskerming wat produsente in die gesig staar. Volgens die voorsitter van Graan SA, Richard Krige, is die huidige marktoestande onhoudbaar vir enige produsent wat probeer om k

Daar is ‘n toename in die aantal hekmotors wat in Bloemfontein gesteel word. Luidens ‘n mediaverklaring vind die voorvalle meestal tussen 02:00 en 06:00 in die oggend plaas.  Polisiewoordvoerder, Lt. Kol. Thabo Covane, sê die groen en swart Centurion-maak word geteiken. Die waarde van so ‘n motor wissel tussen R12 000 en R15 000. Van die strate waar voorvalle aangemeld is sluit in De Bruynstraat, Koos van der Waltstraat en Rhyno Kriellaan. ‘n Paar voorvalle is ook in Wesdene

'n Vrystaatse speurder is vir die tweede keer in een maand in hegtenis geneem. Vista News berig die 58-jarige is verbonde aan die Eenheid vir Veediefstal en Bedreigde Spesies in Fouriesburg. Ondersoekbeamptes het 'n lasbrief verkry en sy woning deeglik deursoek. Verskeie sakke met bewysstukke is tydens die ondersoek ontdek en gekonfiskeer. Van die gekonfiskeerde items sluit in selfone, gebruikte wangmonsters, onafgehandelde saakdossiers, polisieregisters en ammunisie. In 'n

‘n Gewilde Bloemfonteinse DA-raadslid is aan kanker oorlede.   Volksblad berig die 72-jarige Dalena Dennis het sedert Maart 2006 as raadslid in die Mangaung Metro Munisipaliteit gedien. Sy was ook een van die langsdienende raadslede in die metro. Volgens die provinsiale voorsitter van die DA en die party se kiesafdelingshoof in die metro, Werner Horn, was sy ‘n baie gewaardeerde en lojale kollega. Hy voeg by sy was ‘n vertroueling en ‘n vriendin vir almal. Dennis wat vir byn

Lando Norris moes Sondag erken dat dit vir McLaren nie hulle beste dag was nie. Dit kom nadat McLaren besluit het om nie sy bestuurders na die kuipe te roep toe die veiligheidsmotor tydens die sewende rondte ontplooi is nie. ʼn Taktiese besluit wat veroorsaak het dat Oscar Piastri nie sy waarskynlike oorwinning kon behaal nie, en Norris op ʼn teleurstellende vierde plek geëindig het. Max Verstappen se oorwinning het die wêreldtitel-stryd geheropen waar hy nou net 12 punte agter

Die Springbok Vroue Sewes ‘A’-span keer terug huis toe van Dubai met groter volwassenheid en ervaring nadat hulle bestendig verbeter het deur die internasionale uitnodigingstoernooi. Afrigter, Cecil Afrika, het die span se positiewe reaksie op wedstrydintensiteit en die ontwikkeling wat deur spelers met beperkte internasionale blootstelling getoon is, geprys. Die span keer nou terug na Stellenbosch om oefening te hervat voor ‘n gesamentlike sessie met Kanada se Vroue later di

Die Dafabet Warriors het hul eerste T20 Challenge-titel in 15 jaar verower nadat ‘n boeiende eindstryd in die Paarl gelykop geëindig het op 142 elk, met die besoekers wat hul senuwees in die Super Over gehou het om Goldrush Boland te klop. Ten spyte daarvan dat Tristan Stubbs skynbaar die oorwinning met ‘n ses in die laaste boulbeurt behaal het, het Aya Gqamane se uitstekende boulwerk ‘n gelykopuitslag afgedwing voordat Jordan Hermann en Stubbs die Warriors tot 16 in die Supe

Die Vrystaat se bek-en-klouseer-uitbraak neem steeds toe, met die provinsiale Departement van Landbou en Landelike Ontwikkeling wat bevestig het dat die totaal nou op 118 gevalle staan. Die nuut bevestigde gevalle sluit volgens Nova News in: Frankfort, Edenville, Bothaville, Parys, Deneysville en Sasolburg, Tweeling asook Vrede. Die departement het belanghebbendes streng daaraan herinner dat die beweging van diere onder kwarantyn sonder toepaslike dokumentasie ’n kriminele o

Noodsaaklike opgraderings by die dieretuin in Bloemfontein het begin. Volgens Central News is dit om nuwe lewe in die fasiliteit in te blaas. Die dieretuin, eens 'n belangrike trekpleister vir toeriste en plaaslike inwoners, het sy hekke in 2019 weens ernstige kommer oor hoe diere aangehou word en die algehele bestuur gesluit. Opknapping sal in fases uitgevoer word om seker te maak dat alles reg gedoen word. Die eerste fase is gemik op die basiese beginsels wat nodig is om b

Die Forum vir Suid-Afrika (Fosa) vra opnuut dat die doodstraf weer ingestel moet word vir persone wat opsetlik en doelbewus onskuldige mense vermoor. Dit kom nadat die minister van polisie, Firoz Cachalia, die jongste misdaadstatistieke bekend gemaak het wat toon dat 64 mense elke dag in Suid-Afrika vermoor word. Maroela Media berig Fosa se nasionale leier, Tebogo Mashilompane, sê dat die reg op lewe, soos vervat in die Grondwet, “daagliks met straffeloosheid geskend word". H

Met Selvyn Davids en Ryan Oosthuizen wat nie die afgelope Dubai-sewestoernooi voltooi het nie, sal die Blitsbokke se afrigters duim vashou dat hulle slaggereed sal wees vir die skouspel in Kaapstad. Netwerk24 Sport berig die kwiksilwer Davids, ’n spelskepper, het las van sy lies, met Oosthuzen, ’n voorspeler, wat weens siekte nie Sondagg espeel het nie.  Die aksie in die SVNS-reeks verskuif nou na die DHL-stadion in die Moederstad, met die toernooi daar wat komende Saterdag

Die departement van water en sanitasie het die Jagersfontein-myn toegelaat om met werksaamhede voort te gaan, ondanks ’n skokkende verslag oor die 2022-stortingsdam-ongeluk. Newskoop berig die verslag, wat die naweek vrygestel is, dui aan dat bestuur moontlik van die gevaar bewus was en dat die dam sonder ’n geregistreerde ingenieur se ontwerp gebou is. Twee mense is dood en een vermis nadat die damwal gebreek het. Die verslag is aan die kabinet gestuur om nuwe regulasies te

'n Geliefde maatskaplike werker van Odendaalsrus in die Vrystaat se liggaam is met veelvuldige steekwonde gevind. Volksblad berig Ruth Glenda Roberts se ligaam is met 'n laken bedek en naby die R30-pad gevind. Roberts was ’n werknemer van die Vrystaatse departement van maatskaplike ontwikkeling by die Lejweleputswa-distrikskantoor. Die LUR vir maatskaplike ontwikkeling in die Vrystaat, Mathabo Hlalele, beskryf Roberts as ’n toegewyde maatskaplike werker wat die mense van Lejw

'n Jong kind is in Tumahole in die Vrystaat gevind. Die meisie se ouderdom word op min of meer ses jaar oud geskat, en dit is onbekend waar sy vandaan is. Volgens 'n polisieverklaring is daar tans geen aktiewe soektogte na 'n vermiste kind in die Parys-omgewing nie. Woordvoerder, sersant Thabo Covane, sê die kind het dringend mediese sorg by die eenheid vir gesinsgeweld, kinderbeskerming en seksuele oortredings van mediese personeel ontvang. Die publiek word gevra om na polis