Nuus

Die Nasionale Tesourie het sewe dae om 'n wettige oplossing vir die dispuut oor befondsing aan sukkelende munisipaliteite voor te lê. Die parlement se toesigkomitees het ook die Departement van Samewerkende Regering en Tradisionele Sake en die Finansiële en Fiskale Kommissie opdrag gegee om binne dié tyd 'n verslag in te dien. Die verslag moet regskwessies aanspreek en voorstelle bevat wat dienslewering én parlementêre toesig beskerm. Die komitees sê pogings om munisipale bes

Ongeregistreerde plaagdoders wat onwettig Suid-Afrika binnegebring word, hou 'n gevaar vir die voedselketting in. eNCA berig verder volgens toksikoloog Gerhard Verdoorn word dié chemikalieë as smokkelware uit onder meer Zimbabwe en Mosambiek die land ingebring en word onder onveilige omstandighede gebruik. Volgens hom beland die plaagdoders in voedsel en kan dit ernstige gesondheidsgevolge hê, veral vir kinders. Verdoorn sê sterker beheermaatreëls is nodig om te keer dat die

'n Bekende Bloemfonteinse sakevrou en liedjieskrywer, Nelmarie Oosthuizen, is onder die top-20 deelnemers in die FAK se Skryf'it-kompetisie nadat haar lied Hoogste Bome uit meer as 1 100 inskrywings gekies is. Die FAK se Skryf'it-kompetisie bied aan liedjieskrywers die geleentheid om oorspronklike Afrikaanse liedjies of KI-musikale verwerkings van hul eie komposisies in te skryf. Oosthuizen sê sy was oorweldig toe sy hoor dat sy tot die volgende ronde deurgedring het. "As lie

'n Paroolganger is weer in hegtenis geneem nadat 'n gesteelde voertuig in Thaba Nchu opgespoor is. Luidens 'n mediaverklaring van die polisie is die voertuig vroeër die maand tydens 'n gewapende rooftog by 'n winkel in Botshabelo gesteel. Die voertuig is in 'n motorhuis by 'n woning in Thaba Nchu gevind, waar 'n 46-jarige man in hegtenis geneem is. Volgens die polisie was hy uit op parool nadat hy in 2023 tot ses jaar tronkstraf gevonnis is. Hy staan nou tereg op aanklagte va

'n Verdagte is kort ná 'n huisroof in Langenhovenpark, Bloemfontein, vasgetrek. Polisiewoordvoerder, sersant Mahlomola Kareli, sê twee gewapende en gemaskerde mans het Vrydagaand twee broers by hul woning oorval, van hul selfone en ander besittings beroof en met een van die slagoffers se silwer Hyundai Getz weggejaag. Lede van verskeie polisie-eenhede het op intelligensie gereageer en 'n huis in Rocklands deursoek, waar 'n 39-jarige man in hegtenis geneem is. 'n Ongelisensie

Boere in die Vrystaat word gevra om deel te neem aan 'n navorsingstudie wat daarop gemik is om veediefstal beter te voorkom. Landbouweekblad berig die studie word deur Willie Clack, senior lektor aan Unisa, gelei. Dit fokus op hoe tegnologie, inligting en samewerking tussen boere en die Suid-Afrikaanse Polisiediens gebruik kan word om landelike veiligheid te verbeter. Volgens Clack is die Vrystaat as navorsingsgebied gekies omdat die provinsie se veediefstalprobleem grootliks

Die Duitse politikus Jens Spahn is onder skoot nadat hy en sy man aangekondig het dat hulle 'n baba deur 'n surrogaatmoeder in die Verenigde State verwelkom het. Surrogaatskap is onwettig in Duitsland – 'n beleid wat deur Spahn se Christen-Demokratiese party ondersteun word en wat hy ook voorheen gesteun het. Kritici, onder wie lede van sy eie party, beskuldig hom van skynheiligheid en meen politici behoort die standaarde wat hulle bevorder, self na te kom. Spahn en sy man he

Die Amerikaanse president, Donald Trump, dreig om nuwe tariewe op Kanada in te stel weens die rook van honderde veldbrande wat oor dele van die noorde van die Verenigde State versprei. Volgens BBC News het Trump gesê die VSA word onnodig blootgestel aan vuil, besoedelde en ongesonde lug. Hy beweer Kanada tree doelbewus nalatig op deur nie die veldbrande behoorlik te beheer nie. Ontario se premier, Doug Ford, het die VSA egter gevra om eerder hulp te stuur om die brande te bes

Dringende regeringsingryping is nodig om die finansiële krisis by munisipaliteite regoor Suid-Afrika aan te spreek. Volgens Cosatu het 42 munisipaliteite reeds op die Nasionale Tesourie se besluit gereageer om sekere Billike Aandeel-toekennings terug te hou, maar 17 het nog nie herstelplanne ingedien nie. Die vakbondfederasie waarsku dat die terughouding van dié fondse basiese dienslewering kan ontwrig en daartoe kan lei dat munisipale werkers nie betaal word nie. Cosatu vra

'n Gebore Bloemfonteiner en aktivis teen plaasmoorde, Petrus Sitho, en sy span rus die naweek in die stad voordat hulle Maandag hul bewusmakingsoptog na President Cyril Ramaphosa voortsit. Sitho sê aan Rosestad-nuus hy het die stap aangepak nadat hy oor die jare talle plaasaanvalle besoek en met slagoffers gepraat het. Hy sê 'n plaasmoord buite Boshof, in die Vrystaat, so paar jaar gelede het 'n blywende indruk op hom gemaak. Volgens hom wil hy hê die President moet erken dat

Drie Vrystaatse boerelaaities van naby Virginia het Suid-Afrika laat glimlag nadat hulle alles in die stryd gewerp het om 'n maat sonder skoene oor dorings te help. Volgens Maroela Media het die drie seuntjies, almal jonger as ses jaar, verskeie planne beraam om hul kamerade veilig by die huis te kry nadat hy sy skoene langs die pad vergeet het. Hul oupa het die hele storie op video vasgevang, en dit het vinnig op sosiale media versprei. Die beeldmateriaal het selfs mense van

Polisie in Bloemfontein ondersoek bewerings dat sommige Suid-Afrikaanse vroue glo met ongedokumenteerde buitelanders trou in ruil vir geld. Volgens inligting wat deur die Vrystaatse Provinsiale Regering gedeel is, het dié bewerings na vore gekom tydens die jongste Operasie Shanela in die Bloemfonteinse middestad. Verskeie ongedokumenteerde buitelanders is tydens dié operasie in hegtenis geneem. Dit terwyl winkeleienaars ook vasgetrek is omdat hulle sonder die nodige handelsp

Die beplande 11 uur lange kragonderbreking wat vroeër gekanselleer is, kan nou voor die einde van Julie in groot dele van Bloemfontein plaasvind. Volgens 'n kennisgewing van Bloemfontein se kragverskaffer, Centlec, word die onderbreking vir 23 Julie, of alternatiewelik 30 Julie, tussen 07:00 die oggend en 18:00 die aand beplan. Instandhoudings- en opgraderingswerk sal dan aan die netwerk gedoen word. Die onderbreking sal woonbuurte soos Bayswater, Dan Pienaar, Heuwelsig, Pen

Agt nuwe gevalle van bek-en-klouseer is in Boshof en Smithfield in die Vrystaat bevestig. Volgens SABC News sê die Vrystaatse Departement van Landbou en Landelike Ontwikkeling dit bring die totale aantal bevestigde gevalle in die provinsie op 687 te staan. Die departement voeg by 181 van dié gevalle is reeds suksesvol afgehandel nadat die betrokke plase aan al die vereistes voldoen het om hul kwarantyn op te hef. Boere word aangemoedig om enige vermoedelike gevalle van bek-en

'n 62-jarige Vrystaatse vrou is tot 'n effektiewe agt jaar tronkstraf gevonnis vir die moord op haar vervreemde man. Volgens Vista is Linda van den Heever is Vrydag in die hooggeregshof in Welkom gevonnis nadat sy haar man, André van den Heever, in Desember 2021 ná 'n huishoudelike rusie doodgeskiet het. Die hof het bevind dat die moord met voorbedagte rade gepleeg is, maar dat daar dwingende omstandighede was om van die voorgeskrewe lewenslange tronkstraf af te wyk. Sy is to

Twee lede van die Suid-Afrikaanse Nasionale Weermag is tydens 'n operasie teen onwettige mynbou in Wes-Johannesburg oorlede. Volgens 'n mediaverklaring van die weermag het die soldate vermoedelik onwettige mynwerkers by 'n verlate goudmyn agternagesit toe hulle in 'n oop, verlate vertikale mynskag geval het. Spesialis-noodspanne, waaronder Mynreddingsdienste en rampbestuurspanne, is ontplooi om die soldate te help, maar hul liggame is later uit die skag gebring. Die weermag s

Byna 1 500 Nigeriese burgers is uit Suid-Afrika ontruim en het na hul tuisland teruggekeer. Die ontruiming het plaasgevind te midde van toenemende druk op ongedokumenteerde buitelanders om die land te verlaat. Burgers van ander Afrikalande, waaronder Ghana, Malawi, Mosambiek, Uganda en Zimbabwe, het Suid-Afrika ook as deel van regeringsondersteunde repatriasieprogramme verlaat. Suid-Afrika is die afgelope paar weke deur protesoptogte geraak waarin immigrante daarvan beskuldig

PSG Finansiële Dienste se hoofekonoom, Johann Els, verwag dat die Suid-Afrikaanse Reserwebank rentekoerse onveranderd sal laat wanneer sy Monetêre Beleidskomitee volgende week vergader. Hy voorspel dat inflasie van 4,5 % in Mei tot ongeveer 4,7 % in Junie sal styg, hoofsaaklik as gevolg van hoër brandstofpryse wat verband hou met konflik in die Midde-Ooste. Els sê daar is min tekens van breër inflasiedruk en hy verwag dat inflasie later vanjaar sal daal. Hy glo dat die Reserw

Pogings om dienslewering te verbeter en stabiliteit by die Ngwathe Plaaslike Munisipaliteit in die Vrystaat te herstel duur voort. Dit kom ná 'n vergadering in Parys in die Vrystaat met die Vrystaatse Departement van Samewerkende Regering, Tradisionele Sake en Menslike Nedersettings se LUR, Saki Mokoena, om vordering te evalueer sedert die Provinsiale Regering ingegryp het ná die ontbinding van die munisipale raad. Nova News berig die munisipaliteit se bedryfsverrigting, fina

Die Openbare Beskermer, Kholeka Gcaleka, sê die regering het moontlik versuim om verbruikers te beskerm en voedselveiligheidsstandaarde te handhaaf. Gcaleka het terwyl sy die media ingelig het oor ’n voortgesette sistemiese ondersoek gesê dat bewerings van onvoldoende afdwinging deur verskeie staatsinstellings onder die loep geneem word. Sy waarsku dat die groeiende bedreiging wat vervalde en bederfde voedselprodukte inhou, dringende en deeglike ondersoek vereis om openbare g

Die Universiteit van die Vrystaat (UV) se Hendrik Swart is met die land se hoogste eerbewys in fisika bekroon. Die medalje is tydens 'n galadinee by die Suid-Afrikaanse Instituut vir Fisika se 70ste jaarlikse konferensie aan hom oorhandig. Good Things Guy berig die toekenning word slegs een keer elke twee jaar gemaak om 'n leeftyd van uitnemende prestasies in fisika-navorsing, onderwys en die bedryf te erken. Swart, wat al vir meer as 40 jaar wetenskap bevorder, jong navorser

Die departement van werkskepping en arbeid het die afdeling van Bloemfontein se staatslykhuis waar lykskouings gedoen word, gesluit. Netwerk24 berig dié afdeling is Donderdag gesluit omdat die werkstoestande nie aan die nodige vereistes voldoen nie. ’n Verteenwoordiger van die Vereniging van Staatsamptenare, Lynsie Pelser, sê die departement het Woensdag reeds die toestande in die lykhuis ondersoek. Die ventilasie is foutief en elektriese herstelwerk moet gedoen word. Daar mo

Die parlement het gereageer op kommer rakende die Suid-Afrikaanse afvaardiging wat tans op ’n amptelike bilaterale werksbesoek aan Rusland is. Die MK-party het die parlement gekritiseer omdat hulle die amptelike opposisie van die afvaardiging uitgesluit het, en die stap ongrondwetlik en ondemokraties genoem. Die afvaardiging, gelei deur die voorsitter van die Nasionale Raad van Provinsies, Refilwe Mtshweni-Tsipane, sluit parlementslede van die ANC en Al Jama-ah in. Die woordv

Die Mangaung Metro het meer as 1 000 spazawinkel-aansoeke afgekeur nadat bevind is dat die aansoekers dit namens ongedokumenteerde buitelanders gedoen het. Dit beteken dat slegs 956 aansoeke van 'n totaal van meer as 2 000 goedgekeur is. Die metro se sê die nakoming van die wetlike vereistes vir spazawinkel-aansoekers is belangrik om te verseker dat die metro kwalifiserende eienaars kan help met befondsing en nakomingsertifkate, sodat hulle hul ondernemings kan registreer. Te